VALSAD : વલસાડ જિલ્લાના ઉમરગામના દહાડ ગામે ટ્યુશનમાં જતી વિદ્યાર્થીનીની હત્યા થઇ છે. ઉમરગામના દહાડ ગામે આ વિદ્યાર્થીની ટ્યુશનમાં જઈ રહી હતી એ દરમિયાન ત્રણ યુવકોએ એકલતાનો લાભ લઇ આ કિશોરીને ઘેરી હતી અને બાદમાં તેની હત્યા કરી નાખી હતી. જો કે પોલીસે CCTV અને અન્ય સર્વેલન્સથી પોલીસે ત્રણેય આરોપીને પકડી પાડ્યા છે અને આગળની તપાસ હાથ ધરી છે.
સુરતના અણીદા ગામે પાડોશીએ બે મહિલાને મારી દીધી છરી, એકનું મોત
સુરતમાં બે મહિલા ઉપર ચપ્પુ વડે હુમલો થયો છે. અણીતા ગામે ચકચારી ઘટના બની છે. મહિલા ઉપર પડોશીએ ચપ્પુના 10 જેટલા ઘા કર્યા. હળપતિવાસમાં બે મહિલા ઉપર હુમલો થયો છે. હુમલામાં એક મહિલાનું મોત થયું છે, જ્યારે અન્ય એક મહિલા ઇજાગ્રસ્ત થઈ છે. હત્યારાને કીમ પોલીસે ઝડપી પાડ્યો છે. હુમલા પાછળનું કારણ હાલ અકબંધ ચે. હુમલાના CCTV ફૂટેજ આવ્યા સામે.
અમદાવાદની સૌ પ્રથમ મહિલા ડ્રગ્સ ડીલરની ધરપકડમાં મોટો ખુલાસો
ગુજરાતના દરિયાકાંઠેથી મોટા પાયે ડ્રગ્સ પકડાયું હતું અને છેલ્લા થોડા સમયમાં રાજ્યમાં ડ્રગ્સની ફેક્ટરી પણ ઝડપાઈ છે. પોલીસની સતર્કતાથી દરિયાકાંઠેથી ડ્રગ્સ રાજ્યમાં ઘૂસે તે પહેલા જ પકડી પાડવામાં આવે છે. રાજ્યમાં ડ્રગ્સના દૂષણને નાથવા માટે પોલીસ દ્વારા સક્રિય કામગીરી કરવામાં આવી રહી છે. જેના ભાગ રૂપે અમદાવાદમાં મહિલા ડ્રગ્સ ડીલરની ધકપકડ કરવામાં આવી. જેની પૂછપરછમાં મોટા ખુલાસા થયા છે.
અમદાવાદમાં SOG ક્રાઈમ બ્રાંચે MD ડ્રગ્સ સાથે મહિલા અને તેના સાગરિતની ધરપકડ કરવામાં આવી હતી. અમદાવાદ SOG ક્રાઇમ બ્રાંચ દ્વારા આ ઘટનામાં કુખ્યાત અમીનાબાનુ અને તેના સાગરીતોને કાલુપુર વિસ્તારમાંથી ઝડપી લેવામાં આવ્યા હતા. જે અમીના બાનુ ડી ગેંગ સાથે ઘરેબો ધરાવતી હોવાનો ખુલાસો થયો છે.
અમીના બાનું મુંબઇના ઘણા ડ્રગ્સ માફિયાઓ સાથે પણ સંપર્ક હોવાનો પણ ખુલાસો થયો છે. છેલ્લા બે વર્ષથી તે ડ્રગ્સના ધંધામાં ફરીથી એક્ટિવ થઇ હતી. ડ્રગ્સ લેનારા લોકો અમીના બાનુ સાથે કોડવર્ડમાં વાત કરતા હતા. અઢી અને પાંચ જેવા શબ્દોનો ગ્રાહકો ઉપયોગ કરતા હતા. જો કે તે 1980થી 1990 દરમિયાન અમીના દારૂનો ધંધો કરતી હતી.