VAPI: વાપીની કોર્ટે આજરોજ ઐતિહાસિક ચુકાદો આપતા પોકસોના કેસમાં આરોપીને ફાંસીની સજા ફટકારી છે. વાપીમાં ફેબ્રુઆરી 2020મા ચકચારી 9 વર્ષીય બાળકી સાથે દુષ્કર્મ કરી મારી નાખવાના કેસમાં પોકસો એક્ટ હેઠળનાં સ્પેશ્યલ જજ કે જે મોદીએ ૯ વર્ષની બાળકીની એકલતાનો લાભ લઇ બાળકી સાથે દુષ્કર્મ કરી, સૃષ્ટિ વિરુદ્ધનું કૃત્ય કર્યા બાદ બાળકીની હત્યા કરી તેને રૂમમાં પંખા સાથે દુપટ્ટો બાંધી લટકાવી દેવાનો જઘન્ય અપરાધ કરનાર આરોપી પ્રદીપ રાજેશ રામેશ્વર રાજકુમાર ગુપ્તાને વાપીની સ્પેશિયલ કોર્ટે ફાંસીની સજા આપી હતી.


ડીજીપી અનિલ ત્રિપાઠી દ્વારા નામદાર સુપ્રીમ કોર્ટ તેમજ નામદાર ગુજરાત હાઈકોર્ટનાં વિવિધ ચુકાદાઓ રજૂ કરી હાલનો કેસ Rarest of  Rareની કેટેગરીમાં પડતો હોય અને તેવા સંજોગોમાં આરોપીને ફાંસી સિવાય અન્ય કોઈ સજા કરી શકાય જ નહિ તેવી દલીલો ગ્રાહ્ય રાખી આઇ.પી.સીની કલમ.૩૦૨ નાં ગુનામાં દેહાંત દંડ તથા પોક્સો એક્ટની કલમ ૬ માં દેહાંત દંડ તથા આઇ પી સી ની  કલમ-૨૦૧ નાં ગુના માં સાત વર્ષની સજા અને રૂપિયા દસ હજાર દંડ અને જો દંડનાં ભરે તો વધુ બે વર્ષની સજાનો વાપીની સ્પેશિયલ કોર્ટે હુકમ કર્યો છે.


4 કરોડની નકલી ચલણી નોટ ઝડપાઈ


SOG અને ATSએ સંયુક્ત ઓપરેશન હાથ ધરીને 4 કરોડની નકલી ચલણી નોટ ઝડપી પાડી છે. આ સાથે 6 શખ્સની ધરપકડ કરાવમાં આવી છે. સુરતમાં SOG અને ATSએ સંયુક્ત ઓપરેશન હાથ ધરીને 4 કરોડની નકલી ચલણી નોટ ઝડપી પાડી છે. આ સાથે 6 શખ્સની ધરપકડ કરાવમાં આવી છે. સમગ્ર ઘટનાની વાત કરીએ તો આંગડિયા પેઢીમાં લોકોને છેતરવાનું આ કૌભાંડ લાબા સમયથી ચાલતુ હતી. અસલી ચલણી નોટ વચ્ચે ચિલ્ડ્રન બેન્કની નોટ મુકીને છેતરરપિડી કરતા હતા. SOG અને ATSએ સંયુક્ત  સફળ ઓપરેશન કરીને આખરે 4 કરોડની નકલી નોટો ઝડપી પાડી છે.


ક્રાઇમ બ્રાન્ચે એપલના ફોન અને સ્માર્ટ વોચ વિદેશથી બે નંબરમાં મંગાવતા 2 લોકોને ઝડપી લીધા


સુરત : સુરત ક્રાઇમ બ્રાન્ચે સૌથી મોટું ઓપરેશન પાર પાડ્યું છે. સુરત પોલીસે 2 લોકોને ઝડપી લીધા જેઓ વિદેશથી Apple iPhone કંપનીના મોબાઇલ ફોન તથા સ્માર્ટ વોચ બે નંબરમાં મંગાવતા હતા. ફોન મંગાવીને ખાલી બોક્સમાં પેક કરી તેના પર IMEI નંબર વાળા સ્ટીકર બનાવી ગ્રાહકોને વેચતા હતા. સુરત ક્રાઈમ બ્રાંચે 2 લોકોને ઝડપી લીધા  238 નંગ Apple iPhone મોબાઇલ ફોન તથા સમાર્ટ વોચ સહીત કૂલ રૂપિયા 92 લાખ નો મુદ્દામાલ સાથે બે ઈસમો ને ઝડપી પાડ્યા છે.  સુરત શહેર ક્રાઇમ બ્રાંચે ફઇમ ફારૂક મોતીવાલા અને સઇદ ઇબ્રાહીમ પટેલ નામના બે ઈસમોને ઝડપી લીધા છે. પોલીસે આ મામલે વધુ તપાસ હાથ ધરી છે.