MP Pre-Board Exam: ધો.10 અને 12 પ્રી-બોર્ડ પરીક્ષાની તારીખ થઈ જાહેર, કોવિડ કાળમાં આ રીતે યોજાશે પરીક્ષા

એબીપી અસ્મિતા વેબ ટીમ Updated at: 18 Jan 2022 03:26 PM (IST)

મધ્યપ્રદેશના શિક્ષણ વિભાગ દ્વારા પ્રી બોર્ડ પરીક્ષાની તારીખ જાહેર કરવામાં આવી છે. આ વખતે નવા અંદાજમાં પરીક્ષા યોજાશે.

ફાઈલ તસવીર

Madhya Pradesh Pre-Board Exam: કોરોનાના વધતા જતા કેસોને કારણે પરીક્ષાઓ પર ફરી એકવાર સંકટના વાદળો ઘેરાઈ રહ્યા છે. જે સંદર્ભે તમામ રાજ્યોના બોર્ડ પોતપોતાની રીતે પરીક્ષાનું આયોજન કરવા માટે મંથન કરી રહ્યા છે. દરમિયાન, મધ્યપ્રદેશના શાળા શિક્ષણ વિભાગે એમપી પ્રી-બોર્ડ પરીક્ષાની તારીખોની જાહેરાત કરી છે. ઉમેદવારો સત્તાવાર સાઇટની મુલાકાત લઈને વધુ માહિતી મેળવી શકે છે.

રાજ્યમાં ધોરણ 10 અને ધોરણ 12 બંને માટે પ્રી-બોર્ડ પરીક્ષાની તારીખો જાહેર કરવામાં આવી છે. જે અંગે એમપી શાળા શિક્ષણ વિભાગ દ્વારા એક ટ્વીટ પણ કરવામાં આવી છે. વિભાગે કહ્યું છે કે શાળા શિક્ષણ વિભાગે શૈક્ષણિક સત્ર 2021-22 માટે ધોરણ 10મા અને 12મા ધોરણની પ્રી-બોર્ડ પરીક્ષાનું ટાઈમ ટેબલ જાહેર કર્યું છે. ધોરણ 10મી પ્રી-બોર્ડ પરીક્ષા 20.01.2022 થી 28.01.2022 સુધી અને ધોરણ 12મી પ્રી-બોર્ડ પરીક્ષા 20.01.2022 થી 31.01.202 સુધી ટેક હોમ તરીકે લેવામાં આવશે.

આ દિવસે આન્સરશીટ જમા કરાવવાની રહેશે

પરીક્ષામાં હાજર રહેલા ઉમેદવારોએ ધોરણ 10 માટે 28 જાન્યુઆરી અને 12મા ધોરણ માટે 1 ફેબ્રુઆરીએ તેમની સંબંધિત શાળાઓમાં જવાબ પત્રકો સબમિટ કરવાના રહેશે. મૂલ્યાંકન પ્રક્રિયા શિક્ષકો દ્વારા હાથ ધરવામાં આવશે અને વિદ્યાર્થીઓ 5 ફેબ્રુઆરી, 2022 સુધી તેમની મૂલ્યાંકન કરેલ ઉત્તરવહીઓ ચકાસી શકશે.

શિડ્યૂલ ફાળવવામાં આવશે

માહિતી અનુસાર, વિદ્યાર્થીઓને એક શિડ્યુલ ફાળવવામાં આવશે જેમાં તેઓએ તેમની સંબંધિત શાળાઓમાંથી તેમના પ્રશ્નપત્ર અને ઉત્તરવહી મેળવવાની રહેશે. વધુ સંબંધિત વિગતો માટે MPBSE ની સત્તાવાર સાઇટની મુલાકાત લો.