NEET PG 2022 result: NEET-PG પરીક્ષાનું પરિણામ જાહેર કરવામાં આવ્યું છે. સ્વાસ્થ્ય મંત્રી મનસુખ માંડવિયાએ ટ્વિટ કરીને આ અંગે જાણકારી આપી હતી. મનસુખ માંડવિયાએ પાસ થયેલા વિદ્યાર્થીઓને અભિનંદન પાઠવ્યા હતા. પરીક્ષામાં હાજર રહેલા વિદ્યાર્થીઓ સત્તાવાર વેબસાઇટ natboard.edu.in પર પરિણામ જોઈ શકે છે. ભારતમાં અંડરગ્રેજ્યુએટ મેડિકલ અભ્યાસક્રમોમાં પ્રવેશ માટેની NEET એ એકમાત્ર પ્રવેશ પરીક્ષા છે. મેડિકલમાં પ્રવેશ મેળવવા ઈચ્છુક 15 લાખથી વધુ વિદ્યાર્થીઓ દર વર્ષે પરીક્ષા આપે છે.
આ વર્ષે નીટ પીજી પરીક્ષાનું પરિણામ માત્ર દસ દિવસમાં જાહેર કરવામાં આવ્યું છે. આરોગ્ય મંત્રી મનસુખ માંડવિયાએ ટ્વીટ કરીને પરીક્ષામાં ઉત્તિર્ણ થયેલા ઉમેદવારોને અભિનંદન પાઠવ્યા છે. તેમણે કહ્યું, “PG પરીક્ષાનું પરિણામ જાહેર કરવામાં આવ્યું છે. પાસ થયેલા તમામ વિદ્યાર્થીઓને અભિનંદન! માત્ર દસ દિવસમાં પરિણામો જાહેર કરવા બદલ @NBEMS_INDIAને અભિનંદન.. પરિણામો જોવા માટે natboard.edu.in ની મુલાકાત લો."
NEET UG માટે નોંધણી કરાવનારાઓની સંખ્યામાં 'રેકોર્ડ' વધારોઃ
આ વર્ષે NEET-UG 2022 માટે રેકોર્ડ-બ્રેકિંગ નોંધણી થઈ હતી. ગયા વર્ષની સરખામણીમાં આ વર્ષે 2.57 લાખ વધુ ઉમેદવારોએ રજિસ્ટ્રેશન કરાવ્યું હતું આ સાથે કુલ 18 લાખ ઉમેદવારોએ પરીક્ષા માટે નોંધણી કરાવી હતી. આ દરમિયાન છેલ્લા પાંચ વર્ષમાં 12 ભારતીય ભાષાઓમાં પરીક્ષા આપનારા ઉમેદવારોની સંખ્યામાં 274.3% નો વધારો થયો છે, જ્યારે તમિલમાં પરીક્ષા આપનારા ઉમેદવારોની સંખ્યામાં 60% નો વધારો થયો છે. આ ઉપરાંત મહિલા ઉમેદવારોની સંખ્યામાં પણ રેકોર્ડ સ્તરે વધારો થયો છે. આ વર્ષે 10 લાખથી વધુ મહિલાઓએ પરીક્ષા માટે રજીસ્ટ્રેશન કરાવ્યું છે.
Education Loan Information:
Calculate Education Loan EMI