Railway RRB Registration Begins: રેલવે ભરતી બોર્ડ (RRB) એ કેન્દ્રિય રોજગાર સૂચના (CEN) નંબર: 072024 હેઠળ અલગ કેટેગરીની વિવિધ જગ્યાઓ માટે પાત્રતા ધરાવતા ઉમેદવારો પાસેથી ઑનલાઇન અરજીઓ આમંત્રિત કરી છે. અરજીની પ્રક્રિયા આજથી 7 જાન્યુઆરી, 2025થી શરૂ કરવામાં આવી છે. રુચિ ધરાવતા અને લાયક ઉમેદવારો આ પોસ્ટ્સ માટે સત્તાવાર વેબસાઇટ rrbapply.gov.in પર 6 ફેબ્રુઆરી 2025 સુધી અરજી કરી શકે છે. RRB ભરતી 2025 માટે કરેક્શન વિન્ડો 9 થી 18 ફેબ્રુઆરી 2025 સુધી ખુલ્લી રહેશે. આ ભરતી અભિયાનનો ઉદ્દેશ્ય 1036 ખાલી જગ્યાઓ ભરવાનો છે.


આ ભરતીઓ કુલ 1036 પોસ્ટ પર કરવામાં આવશે, જેમાં પોસ્ટ ગ્રેજ્યુએટ ટીચર, પ્રશિક્ષિત સ્નાતક શિક્ષક, જુનિયર ટ્રાન્સલેટર (હિન્દી), પ્રાથમિક રેલ્વે શિક્ષક, લેબોરેટરી આસિસ્ટન્ટ અને અન્ય પોસ્ટનો સમાવેશ થાય છે.


રેલવે RRB ભરતી 2025 માટે, સામાન્ય કેટેગરીના ઉમેદવારોએ 500 રૂપિયાની અરજી ફી ચૂકવવી પડશે. જ્યારે શારીરિક રીતે વિકલાંગ/સ્ત્રી/ટ્રાન્સજેન્ડર/ભૂતપૂર્વ સૈનિક ઉમેદવારો અને અનુસૂચિત જાતિ/અનુસૂચિત જનજાતિ/લઘુમતી સમુદાય/આર્થિક રીતે પછાત વર્ગ (EBC) કેટેગરીના ઉમેદવારોએ 250 રૂપિયા ફી ચૂકવવાની રહેશે.


ઉંમર મર્યાદા અને પગાર


રેલવેમાં નોકરી મેળવવા માટે ઉમેદવારોની ઉંમર 18 થી 33-48 વર્ષની વચ્ચે હોવી જોઈએ. આની ગણતરી 1 જાન્યુઆરી, 2025ના આધારે કરવામાં આવશે. પસંદગી પામેલા ઉમેદવારોને આ પોસ્ટના આધારે રૂ. 19,900 થી રૂ. 47,600 નો માસિક પગાર મળશે, આ માટેની અરજીઓ શરૂ થતાંની સાથે જ તેના વિશેની માહિતી સત્તાવાર વેબસાઇટ પર અપડેટ કરવામાં આવશે .


ખાલી જગ્યાની વિગતો 


આ ભરતી અભિયાનનો ઉદ્દેશ્ય શિક્ષકો, અનુવાદકો અને કાયદા વ્યવસાયિકો સહિત વિવિધ શ્રેણીઓમાં 1036 જગ્યાઓ ભરવાનો છે. 


પોસ્ટ ગ્રેજ્યુએટ ટીચર (PGT): 187
પ્રશિક્ષિત ગ્રેજ્યુએટ ટીચર (TGT): 338
વૈજ્ઞાનિક પર્યવેક્ષક (અર્ગનોમિક્સ અને તાલીમ): 03
મુખ્ય કાનૂની મદદનીશ: 54
સરકારી વકીલ: 20
શારીરિક તાલીમ પ્રશિક્ષક (PTI) - અંગ્રેજી માધ્યમ: 18
વૈજ્ઞાનિક સહાયક/તાલીમ: 02
જુનિયર અનુવાદક હિન્દી: 130
વરિષ્ઠ પ્રચાર નિરીક્ષક: 03
સ્ટાફ અને કલ્યાણ નિરીક્ષક: 59
ગ્રંથપાલ: 10
સંગીત શિક્ષક (મહિલા): 03
પ્રાથમિક રેલવે શિક્ષક: 188
મદદનીશ શિક્ષક (મહિલા જુનિયર સ્કૂલ): 02
પ્રયોગશાળા સહાયક/શાળા: 07
લેબ આસિસ્ટન્ટ ગ્રેડ III (કેમિસ્ટ અને મેટલર્જિસ્ટ): 12



કેવી રીતે અરજી કરવી 


સૌથી પહેલા RRB ની સત્તાવાર વેબસાઇટ rrbapply.gov.in પર જાઓ.


હોમપેજ પર, અપ્લાય  ટેબ પર ક્લિક કરો.


આ પછી, ઉમેદવારોએ મૂળભૂત માહિતી દાખલ કરીને નોંધણી કરવી જોઈએ.


પછી જનરેટ કરેલ લૉગિન ક્રેડેંશિયલની  મદદથી અરજી ફોર્મ ભરો.


અંતમાં અરજી ફી ચૂકવો અને અરજી સબમિટ કરો.


છેલ્લે, સંદર્ભ માટે સબમિશન ફોર્મની પ્રિન્ટઆઉટ લો.  


Railway Bharti 2025 : રેલવેમાં 10 પાસ માટે બમ્પર ભરતી, આ રીતે કરો અરજી, જાણો અંતિમ તારીખ


Education Loan Information:

Calculate Education Loan EMI