ગાંધીનગર બેઠક પરથી આ વખતે ભાજપે વરિષ્ઠ નેતા લાલકૃષ્ણ અડવાણીની જગ્યાએ અમિત શાહને મેદાનમાં ઉતાર્યા છે. અડવાણી 1998થી આ બેઠક પરથી પ્રતિનિધત્વ કરતા આવ્યા હતા. અમિત શાહ હાલમાં ગુજરાતથી રાજ્યસભા સભ્ય પણ છે. ઉલ્લેખનીય છે કે ગુજરાતમાં તમામ 26 બેઠકો માટે 23 એપ્રિલે ચૂંટણી યોજાવાની છે.
ગુજરાત ભાજપના પ્રદેશ અધ્યક્ષ જીતુ વાઘાણીએ શુક્રવારે કહ્યું હતું કે શાહની ઉમેદવારી ફોર્મ ભરવાની પ્રક્રિયા સમયે ભાજપના સહયોગી દળોના નેતાઓ ઉપસ્થિત રહેશે. આ તમામ નેતાઓ અમદાવાદમાં એક રોડ શોમાં ભાગ લે તેવી સંભાવના છે. શાહનો રોડ શો નારણપુરા સરદાર પટેલ પ્રતિમાંથી શરૂ થઈને ઘાટલિયામાં પૂર્ણ થશે. રોડ શો પહેલા અમિત શાહ લોકોને પણ સંબોધન કરશે.
અમિત શાહ આવતી કાલે મેગા રોડ શો કરી ભરશે ઉમેદવારી પત્ર, જુઓ વીડિયો