Arunachal Pradesh Election Result 2024 Live: અરૂણાચલ પ્રદેશમાં ભાજપે બહુમતનો આંકડો કર્યો પાર, સતત બીજી વખત સરકાર બનાવવા તૈયાર

Arunachal Pradesh Election Results Live Updates: અરુણાચલ પ્રદેશમાં વિધાનસભાની 60 બેઠકો છે. અહીં બહુમત માટે 31 સીટોની જરૂર છે. ભાજપે 10 ​​બેઠકો પર બિનહરીફ જીત મેળવી છે.

બ્રેકગ્રાઉન્ડ

Arunachal Pradesh Election Results Live Updates: અરુણાચલ પ્રદેશ વિધાનસભા ચૂંટણીની મતગણતરી શરૂ થઈ ગઈ છે. લોકસભા ચૂંટણીના પ્રથમ તબક્કાના મતદાન દરમિયાન 19 એપ્રિલે રાજ્યમાં વિધાનસભા ચૂંટણી માટે મતદાન થયું હતું. અરુણાચલ પ્રદેશમાં એવા સમયે મતગણતરી થઈ રહી છે જ્યારે લોકસભા ચૂંટણીના પરિણામો બે દિવસમાં આવવાના છે. રાજ્યમાં લોકસભાની બે બેઠકો માટે મતગણતરી મંગળવારે (2 જૂન) થશે.અગાઉ અરુણાચલ પ્રદેશમાં વિધાનસભા ચૂંટણીની મતગણતરી 4 જૂને થવાની હતી, પરંતુ ત્યાર બાદ તારીખો બદલવામાં આવી હતી કારણ કે સરકારનો કાર્યકાળ 2 જૂને પૂરો થઈ રહ્યો હતો. ચૂંટણી પંચે કહ્યું હતું કે મતોની ગણતરી 2 જૂને કરવામાં આવશે, જેથી વર્તમાન વિધાનસભાનો કાર્યકાળ પૂરો થાય ત્યાં સુધીમાં પરિણામો જાહેર કરી શકાય. અરુણાચલ પ્રદેશની સાથે સિક્કિમમાં પણ આજે મતગણતરી ચાલી રહી છે.અરુણાચલ પ્રદેશ વિધાનસભામાં 60 બેઠકો છે, પરંતુ માત્ર 50 બેઠકો પર જ મતદાન થયું હતું. તેનું કારણ એ છે કે અહીંની 10 વિધાનસભા બેઠકો પર ભાજપે બિનહરીફ ચૂંટણી જીતી છે. જે 10 સીટો પર ભાજપનો ઝંડો લહેરાયો છે તેમાંથી બે સીટો મુખ્યમંત્રી પેમા ખાંડુ અને ડેપ્યુટી સીએમ ચૌના મેની પણ હતી. અરુણાચલમાં પહેલાથી જ બીજેપીની સરકાર છે અને તેને વિશ્વાસ છે કે આજની મતગણતરી બાદ તે ફરી એક વખત પરત ફરશે.અરુણાચલ પ્રદેશના મુખ્ય ચૂંટણી અધિકારી પવન કુમાર સૈને જણાવ્યું હતું કે મતગણતરી સવારે 6 વાગ્યાથી શરૂ થશે. 25 જિલ્લા મથકોના 40 મતગણતરી કેન્દ્રો પર મતગણતરી ચાલી રહી છે. પોસ્ટલ બેલેટની પ્રથમ ગણતરી કરવામાં આવી છે. ત્યાર બાદ ઈલેક્ટ્રોનિક વોટિંગ મશીન (EVM) દ્વારા પડેલા મતોની ગણતરી થઈ રહી છે. પવન કુમારે આશા વ્યક્ત કરી હતી કે બપોર સુધીમાં મતગણતરી પૂર્ણ થઈ જશે અને ચૂંટણી પરિણામો બધાની સામે હશે.

02/06/2024 15:01:34

Arunachal Pradesh Election Result 2024 LIVE: ભાજપે અત્યાર સુધીમાં કેટલી બેઠકો જીતી?

અરુણાચલ પ્રદેશમાં હાલમાં મતગણતરી ચાલી રહી છે. ભાજપે અત્યાર સુધી 44 બેઠકો જીતી છે, જ્યારે તે બે બેઠકો પર આગળ ચાલી રહી છે.

02/06/2024 14:04:41

Arunachal Pradesh Election Result 2024 LIVE: અરુણાચલ પ્રદેશમાં ભાજપની સફળતા, અત્યાર સુધી 43 સીટો પર જીત

આ વખતે પણ અરુણાચલ પ્રદેશમાં ભાજપની સરકાર બનશે.  ભાજપે ત્યાં કુલ 60 વિધાનસભા બેઠકોમાંથી 43 પર જીત મેળવી છે, જ્યારે તે હાલમાં ત્રણ પર આગળ છે. NPEP ચાર જીતી છે અને હાલમાં એક પર આગળ છે. પીપીએ બે પર જીતી છે, એનસીપી એક પર જીતી છે અને બે પર આગળ છે, કોંગ્રેસ એક પર આગળ છે અને અન્ય ત્રણ પર જીતી છે.

02/06/2024 12:00:21

Arunachal Pradesh Election Result 2024 LIVE: ઈટાનગરમાં દિવાળી જેવો માહોલ

અરૂણાચલ પ્રદેશ વિધાનસભા ચૂંટણીમાં ભાજપને બહુમત મળતી જણાય છે. અહીં ભાજપ 17 બેઠક જીતી ચૂક્યું છે અને 29 બેઠક પર આગળ છે. ભાજપની ઈટાનગર ઓફિસ પર દિવાળી જેવો માહોલ છે.

02/06/2024 11:52:59

Arunachal Pradesh Election Result 2024 LIVE કેટલી બેઠકોના પરિણામો જાહેર થયા છે અને લેટેસ્ટ ટ્રેન્ડ શું છે?

અરુણાચલ પ્રદેશમાં વિધાનસભા ચૂંટણીના પરિણામો માટે મતગણતરી ચાલુ છે. 25 બેઠકો પર પરિણામો આવ્યા છે, જેમાંથી ભાજપે 23 જીતી છે અને એક-એક બેઠક NPEP અને INDના ખાતામાં ગઈ છે. હાલમાં 33 બેઠકો પર મતગણતરી ચાલી રહી છે, જેમાંથી ભાજપ 23 પર, NPEP ચાર પર, NCP ત્રણ પર, PPA બે પર અને અન્ય એક પર આગળ છે.

02/06/2024 10:58:20

Arunachal Pradesh Election Result 2024 LIVE: અરુણાચલ પ્રદેશની વસ્તી કેટલી છે?

ઇટાનગર અરુણાચલ પ્રદેશની રાજધાની છે અને ત્યાંનું સૌથી મોટું શહેર છે. પહાડી રાજ્યમાં કુલ 26 જિલ્લાઓ છે. 2011ની વસ્તી ગણતરી મુજબ, ત્યાંની વસ્તી 13,83,727 છે.

02/06/2024 09:31:23

Arunachal Pradesh Election Result 2024 LIVE: ભાજપને ટ્રેન્ડમાં બહુમત, કોંગ્રેસનું નથી ખૂલ્યું ખાતું

હાલમાં, અરુણાચલ પ્રદેશ વિધાનસભા ચૂંટણી સંબંધિત વલણોમાં ભાજપને બહુમત મળતી જણાય છે. હાલમાં, તે 30 બેઠકો પર આગળ છે, જ્યારે તે કોઈપણ વિરોધ વિના 10 બેઠકો જીતી ચૂકી છે. આવી સ્થિતિમાં હાલ 40 બેઠકો ભાજપના ખાતામાં છે. અન્ય પક્ષો વિશે વાત કરીએ તો, NPEP આઠ પર, NCP ત્રણ પર, PPA બે પર અને અન્ય બે બેઠકો પર આગળ છે, જ્યારે કોંગ્રેસના ખાતામાં એક પણ બેઠક નથી.

02/06/2024 09:05:17

Arunachal Pradesh Election Result 2024 LIVE: મત ગણતરી કેન્દ્રનું દ્રશ્ય

અરૂણાચલ પ્રદેશમાં હાલ વિધાનસભા ચૂંટણી 2024ની મત ગણતરી થઈ રહી છે. આ દરમિયાન ન્યૂઝ એજન્સી એએનઆઈ દ્વારા મત ગણતરી કેન્દ્રનો વીડિયો પોસ્ટ કરવામાં આવ્યો છે.

02/06/2024 08:36:56

Arunachal Pradesh Election Result 2024 LIVE: ભાજપ 20 સીટો પર આગળ છે, કોંગ્રેસ પાસે માત્ર એક સીટ - ટ્રેન્ડ

અરુણાચલ પ્રદેશમાં હાલમાં વિધાનસભા ચૂંટણી 2024ની મતગણતરી ચાલી રહી છે. ચૂંટણી પંચની વેબસાઈટ પર અપડેટ કરાયેલા ટ્રેન્ડથી સંબંધિત ડેટા અનુસાર ભાજપ 20 સીટો પર આગળ છે. NPEP છ બેઠકો પર, PPA ત્રણ પર, NCP બે પર, કોંગ્રેસ એક પર અને અન્ય બે બેઠકો પર આગળ છે.

02/06/2024 08:12:38

Arunachal Pradesh Election Result 2024 LIVE: બીજેપી સિવાય અન્યનો લેટેસ્ટ ટ્રેન્ડ શું છે?

 અરુણાચલ પ્રદેશમાં હાલમાં મતગણતરી ચાલી રહી છે. ભારતીય ચૂંટણી પંચ (ECI)ના તાજેતરના આંકડા અનુસાર, ભાજપ કુલ 16 બેઠકો પર આગળ છે. નવીનતમ વલણોમાં, તે છ બેઠકો પર આગળ છે, જ્યારે  10 બિનહરીફ જીતી છે. નેશનલ પીપલ્સ પાર્ટી (NPP) બે સીટો પર આગળ ચાલી રહી છે. રાજ્યમાં બહુમતી મેળવવા માટે કોઈપણ પક્ષને 31 બેઠકોની જરૂર પડશે.

02/06/2024 07:52:39

Arunachal Pradesh Election Result 2024 LIVE: અરુણાચલ પ્રદેશની છેલ્લી ચૂંટણીમાં ભાજપને કેટલી બેઠકો મળી?

અરુણાચલ પ્રદેશમાં, ભાજપે વર્ષ 2019માં તમામ 60 બેઠકો પર ચૂંટણી લડી હતી, જેમાંથી તેણે 41 બેઠકો જીતી હતી.

02/06/2024 07:43:18

Arunachal Pradesh Election Result 2024 LIVE: અરુણાચલમાં ખરાબ હવામાન, ઘણી જગ્યાએ મતગણતરી એક કલાક મોડી શરૂ થઈ

અરુણાચલ પ્રદેશમાં ખરાબ હવામાનને કારણે મત ગણતરીમાં વિલંબ થયો હતો. હાલમાં 50 વિધાનસભા બેઠકો માટે મતગણતરી ચાલી રહી છે. 6.20 વાગ્યાની આસપાસ મતગણતરી શરૂ થઈ હતી અને પાપુમ પારે જિલ્લામાં ભાજપના ઉમેદવારો હાલમાં આગળ છે. મતગણતરી બરાબર 6 વાગ્યે શરૂ થવાની હતી, પરંતુ ખરાબ હવામાનને કારણે, કેટલીક જગ્યાએ લગભગ એક કલાક વિલંબ થયો હતો.

02/06/2024 07:42:10

Arunachal Pradesh Election Result 2024 LIVE: અરુણાચલ પ્રદેશમાં આ વખતે કોની સરકાર? બપોર સુધીમાં સ્પષ્ટ થશે

અરુણાચલ પ્રદેશના મુખ્ય ચૂંટણી અધિકારી પવન કુમાર સેને જણાવ્યું હતું કે ત્રણ સ્તરીય સુરક્ષા વ્યવસ્થા હશે અને પ્રથમ બે સ્તરે કેન્દ્રીય સશસ્ત્ર પોલીસ દળ તૈનાત કરવામાં આવશે. તમામ 50 વિધાનસભા બેઠકોના પરિણામો બપોર સુધીમાં જાહેર થવાની ધારણા છે.

02/06/2024 07:01:19

વલણમાં ભાજપ 4 બેઠકો પર આગળ

અરુણાચલ પ્રદેશ વિધાનસભા ચૂંટણી માટે મતગણતરી ચાલુ છે. ટ્રેન્ડ મુજબ ભાજપ અત્યારે 4 સીટો પર આગળ છે. ભાજપે 10 ​​બેઠકો બિનહરીફ જીતી લીધી છે.