નવી દિલ્હીઃ લોકસભા ચૂંટણીના પરિણામોની સાથે સાથે ચાર રાજ્યોની વિધાનસભા ચૂંટણીના પરિણામો પણ જાહેર કરવામાં આવી રહ્યા છે. આંધ્રપ્રદેશ, અરુણાચલપ્રદેશ, ઓડિશા, સિક્કિમમાં વિધાનસભા ચૂંટણીની મગણતરી ચાલી રહી છે. આંધ્રમાં નાયડૂને ઝટકો લાગ્યો છે તો જગનમોહન રેડ્ડીની પાર્ટી વાયએસઆરએ શાનદાર સફળતા મેળવી છે. જગનમોહન રેડ્ડીની પાર્ટીની સ્પષ્ટ બહુમત મળે તેવી સંભાવના છે. અરુણાચલપ્રદેશમાં ભાજપે શાનદાર પ્રદર્શન કર્યું છે. ભાજપ 60 બેઠકોમાંથી 42 બેઠકો પર આગળ છે. સિક્કમમાં 32 વિધાનસભા બેઠકોમાં 13 બેઠકો પર સિક્કિમ ડેમોક્રેટિક ફંન્ટ 18 અને સિક્કિમ ક્રાંતિકારી મોરચો 14 બેઠકો પર આગળ છે. ઓડિશામાં નવીન પટનાયક પર પ્રજાએ વિશ્વાસ મુક્યો છે અને ઓડિશામાં બીજેડી 88 પર આગળ છે.