મુંબઇઃ લોકસભા ચૂંટણીની અસર હવે ટીવી સીરિયલોમાં જોવા મળી રહ્યો છે. છેલ્લા કેટલાક દિવસોથી એન્ડ ટીવીની ફેમસ કૉમેડી સીરિયલ 'ભાવીજી ઘર પર હૈ' વિવાદોમાં ઘેરાઇ છે. કોંગ્રેસે આ સીરિયલની ફરિયાદ ચૂંટણી પંચમાં કરી છે.



મહારાષ્ટ્ર કોંગ્રેસ કમિટીએ ચૂંટણી પંચમાં 'ભાવીજી ઘર પર હૈ' સીરિયલ સામે ફરિયાદ કરી છે, તેમનો આરોપ છે કે, સીરિયલમાં મોદી સરકારની યોજનાઓનો પ્રચાર કરવામાં આવે છે, જે આચાર સંહિતાનો ભંગ છે. ચૂંટણી પંચે આ મામલે કહ્યું કે અમે બધાને પોતાનો પક્ષ રાખવા માટે નોટિસ મોકલીશું.