Election 2022 Live: પંજાબમાં ભાજપ કેટલી સીટ પર લડશે ચૂંટણી ? જાણો જેપી નડ્ડાએ શું કહ્યું

Election 2022: અપર્ણા યાદવે કહ્યું ભાજપ એ પાર્ટી છે જેણે દેશને બચાવ્યો છે. હું એક નવા ભારતના નિર્માણ માટે પ્રધાનમંત્રી મોદી સાથે આગળ વધવા માંગું છું.

બ્રેકગ્રાઉન્ડ

Election 2022: સમાજવાદી પાર્ટીના સંસ્થાપક મુલાયમ સિંહ યાદવની નાની વહુ અપર્ણા યાદવે કહ્યું કે, બહેન-દીકરીઓની સુરક્ષા માટે ભારતીય જનતા પાર્ટીની સરકાર જરૂરી છે. બીજેપીમાં જ બહેન-દીકરીઓનું સન્માન સુરક્ષિત છે. મેં રાષ્ટ્રવાદના કારણે ભાજપ પસંદ કર્યો. પ્રધાનમંત્રી મોદી અને મુખ્યમંત્રી યોગી આદિત્યનાથની વિચારશ્રેણી અને દૂરંદેશીના કારણે સમાજમાં સકારાત્મક બદલાવ થયો છે.

24/01/2022 15:43:48

પંજાબમાં ભાજપ કેટલી સીટ પર લડશે ચૂંટણી ?

પંજાબમાં ભાજપ 65 સીટ પર ચૂંટણી લડશે તેમ જેપી નડ્ડાએ જણાવ્યું.

24/01/2022 15:41:24

કોંગ્રેસ સ્ટાર પ્રચારકોની યાદી કરી જાહેર

ઉત્તરપ્રદેશમાં યોજાનારી વિધાનસભા ચૂંટણીને લઈ કોંગ્રેસ દ્વારા પ્રથમ તબક્કાના ચૂંટણી પ્રચાર માટે 30 સ્ટાર પ્રચારકોની જાહેરાત કરી છે. જેમાં ગુજરાતમાંથી સ્ટાર પ્રચારક તરીકે હાર્દિક પટેલના નામનો સમાવેશ કરવામાં આવ્યો છે. આ ઉપરાંત સોનિયા ગાંધી, પૂર્વ પીએમ મનમોહન સિંહ, રાહુલ ગાંધી, પ્રિયંકા ગાંધી, ગુલામ નબી આઝાદ, અશોક ગેહલોત, ભૂપેશ બધેલ, સચિન પાયલટના પણ નામ છે.

24/01/2022 14:53:52

યોગી સરકારના મંત્રી સ્વાતિ સિંહનો ઓડિયો વાયરલ

યોગી આદિત્યનાથ સરકારમાં મંત્રી સ્વાતિ સિંહ ફરી એકવાર ચર્ચામાં છે. આ સમયનું કારણ સોશિયલ મીડિયા પર વાયરલ થઈ રહેલું એક ઓડિયો રેકોર્ડિંગ છે. આમાં સ્વાતિ સિંહ કથિત રીતે એક વ્યક્તિ સાથે વાત કરી રહી છે, જે ફરિયાદ કરતી સાંભળવામાં આવે છે કે તેના પતિ દયાશંકર સિંહે તેની સાથે ગેરવર્તણૂક કરી છે અને જમીન હડપ કરવાનો કેસ પણ છે. વાતચીત દરમિયાન સ્વાતિ કથિત રીતે તેના પતિ દયાશંકર સિંહ પર તેની સાથે ગેરવર્તન અને મારપીટ કરવાનો આરોપ લગાવી રહી છે. તેણી કહે છે કે તેના પતિ દયાશંકર સિંહ તેને માર મારતા હતા. દરમિયાન ઓડિયો ક્લિપ અંગે સ્વાતિ સિંહ સાથે વાત કરવાનો પ્રયાસ કર્યો હતો પરંતુ તેમણે વાત કરી ન હતી.

24/01/2022 14:02:12

પંજાબમાં કોંગ્રેસનો CM ઉમેદવાર કોણ ?

પંજાબ વિધાનસભા ચૂંટણી માટે આમ આદમી પાર્ટીએ પોતાના મુખ્યમંત્રી પદના ઉમેદવાર જાહેર કરી દીધા છે. જો કે કોંગ્રેસ પક્ષ તરફથી મુખ્યમંત્રીનો ચહેરો કોણ હશે, તેની હજુ ઔપચારિક જાહેરાત કરવામાં આવી નથી. ટોચના પદ માટે પંજાબમાં મુખ્યમંત્રી ચન્ની અને પ્રદેશ કોંગ્રેસ અધ્યક્ષ નવજોત સિંહ સિદ્ધુ વચ્ચે જંગ છે. આ દરમિયાન નવજોત સિંહ સિદ્ધુએ કહ્યું, ચૂંટણીમાં હજુ એક મહિનો બાકી છે. ગત ચૂંટણીમાં પાર્ટીએ વોટિંગના 10-12 દિવસ પહેલા સીએમના નામની જાહેરાત કરી હતી. બાકી હાઈકમાન્ડને જાણતા અમે મીડિયા દ્વારા તે વાત નહીં જણાવીએ.  

24/01/2022 13:59:12

દેશ અને રાજ્યની પ્રગતિ માટે ભાજપ જરૂરી

અપર્ણાએ કહ્યું કે ભાજપ એ પાર્ટી છે જેણે દેશને બચાવ્યો છે. હું નવા ભારતના નિર્માણ માટે વડાપ્રધાન નરેન્દ્ર મોદી સાથે આગળ વધવા માંગુ છું. યાદવે કહ્યું, 'દેશ અને રાજ્યની પ્રગતિ માટે ભાજપ જરૂરી છે. જો ભાજપ જીતશે તો દેશ અને રાજ્ય બંનેની પ્રગતિ થશે.