PM Modi Oath Ceremony: શપથગ્રહણ સમારોહ પૂર્ણ, મોદી 3.0માં 71 મંત્રીઓએ લીધા શપથ
PM Modi Oath Taking Ceremony Live: આ પછી તેમની સરકારમાં સામેલ થનારા કેબિનેટ મંત્રીઓ શપથ લેશે. હવેથી થોડા સમય બાદ નેતાઓ શપથ ગ્રહણ સમારોહ માટે રાષ્ટ્રપતિ ભવન પહોંચવાનું શરૂ કરશે.
બિહારના હાજીપુરના સાંસદ અને LJP (R)ના નેતા ચિરાગ પાસવાને પ્રથમ વખત કેબિનેટ મંત્રી તરીકે શપથ લીધા. ચિરાગ એલજેપીના દિવંગત નેતા રામવિલાસ પાસવાનનો પુત્ર છે.
ગુજરાતના નવસારીના સાંસદ અને પીએમ નરેન્દ્ર મોદીના નજીકના ગણાતા સીઆર પાટીલે પ્રથમ વખત કેબિનેટ મંત્રી તરીકે શપથ લીધા. પાટીલ ગુજરાત ભાજપના અધ્યક્ષ છે અને ચોથી વખત સાંસદ બન્યા છે.
તેલંગણાની સિકંદરાબાદ સીટથી સાંસદ બનેલા જી કિશન રેડ્ડીએ કેબિનેટ મંત્રી તરીકે શપથ લીધા. તેઓ સતત બીજી વખત સાંસદ બન્યા હતા. અગાઉની સરકારમાં સંસ્કૃતિ મંત્રી હતા.
કિરેન રિજિજુ, હરદીપ સિંહ પુરી અને મનસુખ માંડવિયાએ મોદી 3.0 કેબિનેટમાં મંત્રી તરીકે શપથ લીધા.
ઓડિશાના સુંદરગઢના સાંસદ અને ભાજપનો આદિવાસી ચહેરો જુએલ ઓરામ, બિહારના બેગુસરાયના સાંસદ અને ભૂમિહાર જાતિના સાંસદ ગિરિરાજ સિંહ, અગાઉની સરકારમાં રેલવે પ્રધાન રહેલા અને ઓડિશાના રાજ્યસભાના સાંસદ અશ્વિની વૈષ્ણવ, મધ્યપ્રદેશમાં ગુના અને અગાઉની સરકારમાં નાગરિક ઉડ્ડયન મંત્રી રહેલા જ્યોતિરાદિત્ય સિંધિયાએ કેબિનેટ મંત્રી તરીકે શપથ લીધા હતા.
અગાઉની સરકારમાં સંસદીય બાબતોના મંત્રી અને કર્ણાટકમાંથી સતત પાંચમી વખત ચૂંટણી જીતનાર પ્રહલાદ જોશીએ કેબિનેટ મંત્રી તરીકે શપથ લીધા હતા.
કે રામમોહન નાયડુએ કેબિનેટ મંત્રી તરીકે શપથ લીધા. કે રામમોહન નાયડુ મોદી કેબિનેટમાં સૌથી યુવા મંત્રી છે.
અગાઉની સરકારમાં શિક્ષણ રાજ્ય મંત્રી અન્નપૂર્ણા દેવીએ કેબિનેટ મંત્રી તરીકે શપથ લીધા હતા. અન્નપૂર્ણા દેવી ઝારખંડની કોડરમા સીટથી સાંસદ બન્યા છે. તેઓ સતત બીજી વખત લોકસભા ચૂંટણી જીત્યા છે.
ભાજપના વરિષ્ઠ વ્યૂહરચનાકાર અને પ્રથમ વખત સાંસદ ભૂપેન્દ્ર યાદવે કેબિનેટ મંત્રી તરીકે શપથ લીધા. રાજસ્થાનના જોધપુરથી સાંસદ બનેલા ગજેન્દ્ર સિંહ શેખાવત અગાઉની સરકારમાં જલ શક્તિ મંત્રી હતા. તેમણે કેબિનેટ મંત્રી તરીકે પણ શપથ લીધા હતા.
મધ્યપ્રદેશના ટીકમગઢથી લોકસભા ચૂંટણી જીતનાર વીરેન્દ્ર ખટીકે કેબિનેટ મંત્રી તરીકે શપથ લીધા. વીરેન્દ્ર ખટીક અગાઉની સરકારમાં સામાજિક ન્યાય મંત્રી હતા અને આઠ વખત લોકસભાના સાંસદ હતા.
જેડીયુ નેતા રાજીવ રંજન સિંહ અને બીજેપી નેતા સર્બાનંદ સોનોવાલે કેબિનેટ મંત્રી તરીકે શપથ લીધા. સર્બાનંદ સોનોવાલ સતત ત્રીજી વખત કેન્દ્ર સરકારમાં મંત્રી બન્યા છે.
હિન્દુસ્તાની આવામ મોરચાના અને સાંસદ જીતન રામ માંઝીએ પ્રથમ વખત કેબિનેટ મંત્રી તરીકે શપથ લીધા.
ગત સરકારમાં ભાજપના મુખ્ય ચૂંટણી વ્યૂહરચનાકાર અને શિક્ષણ મંત્રી ધર્મેન્દ્ર પ્રધાને કેબિનેટ મંત્રી તરીકે શપથ લીધા હતા.
પીયૂષ ગોયલ પહેલીવાર લોકસભા ચૂંટણી જીત્યા હતા. આ પહેલા ગોયલ રાજ્યસભાના સાંસદ હતા. તેમણે મોદી 3.0 કેબિનેટમાં મંત્રી તરીકે શપથ લીધા.
કર્ણાટકના પૂર્વ સીએમ એચડી કુમારસ્વામીએ મોદી 3.0 કેબિનેટના મંત્રી તરીકે શપથ લીધા. તેઓ પૂર્વ પીએમ એચડી દેવગૌડાના પુત્ર છે. કર્ણાટકની માંડ્યા સીટથી સાંસદ બન્યા છે.
હરિયાણાના ભૂતપૂર્વ સીએમ મનોહર લાલ ખટ્ટરે મોદી 3.0 કેબિનેટમાં મંત્રી તરીકે શપથ લીધા. ખટ્ટર આરએસએસના ભૂતપૂર્વ પ્રચારક છે. 9 વર્ષ સુધી હરિયાણાના સીએમ હતા. પહેલીવાર લોકસભાની ચૂંટણી જીતી.
મોદી સરકાર 2.0 માં વિદેશ મંત્રી રહેલા એસ જયશંકરે નવી સરકારમાં કેબિનેટ મંત્રી તરીકે શપથ લીધા.
અગાઉની સરકારમાં નાણામંત્રી રહેલા નિર્મલા સીતારમણે કેબિનેટ મંત્રી તરીકે શપથ લીધા હતા. સીતારમણ રક્ષા મંત્રી પણ રહી ચૂક્યા છે.
ભાજપના રાષ્ટ્રીય અધ્યક્ષ જેપી નડ્ડા અને મધ્યપ્રદેશના પૂર્વ સીએમ શિવરાજ સિંહ ચૌહાણે કેબિનેટ મંત્રી તરીકે શપથ લીધા.
ભાજપના નેતા અને નવા ચૂંટાયેલા સાંસદ નીતિન ગડકરીએ સતત ત્રીજી વખત કેબિનેટ મંત્રી તરીકે શપથ લીધા. પીએમ મોદીની અગાઉની બંને સરકારોમાં ગડકરી કેબિનેટ મંત્રી હતા.
ભાજપના નેતા અમિત શાહે કેબિનેટ મંત્રી તરીકે શપથ લીધા. અગાઉની સરકારમાં અમિત શાહ કેન્દ્રીય ગૃહમંત્રી હતા. તેઓ ગુજરાતમાં ચાર વખત ધારાસભ્ય રહ્યા છે. ગાંધીનગર બેઠક પરથી સતત બીજી વખત સાંસદ બન્યા.
રાજનાથ સિંહે મોદી 3.0 કેબિનેટમાં મંત્રી તરીકે શપથ લીધા. રાજનાથ સિંહ અગાઉની સરકારમાં રક્ષા મંત્રી હતા. તેઓ લખનઉથી નવા ચૂંટાયેલા સાંસદ છે.
નરેન્દ્ર મોદીએ ત્રીજી વખત વડાપ્રધાન પદના શપથ લીધા હતા.
કોંગ્રેસ અધ્યક્ષ મલ્લિકાર્જુન ખડગે નરેન્દ્ર મોદીના શપથ ગ્રહણ સમારોહમાં હાજરી આપવા માટે રાષ્ટ્રપતિ ભવન પહોંચ્યા હતા.
બિહારના મુખ્યમંત્રી અને JDU નેતા નીતિશ કુમાર રાષ્ટ્રપતિ ભવન પહોંચી ગયા છે. નીતિશ કુમાર એનડીએ સરકારમાં મજબૂત ભાગીદાર અને કિંગમેકર તરીકે ઉભરી આવ્યા છે.
નરેન્દ્ર મોદીના શપથ ગ્રહણ સમારોહમાં ભાગ લેવા માટે ઘણા પડોશી દેશોના સમકક્ષો રાષ્ટ્રપતિ ભવન પહોંચ્યા છે. તેમાંથી બાંગ્લાદેશના પીએમ શેખ હસીના અને નેપાળના વડાપ્રધાન પુષ્પ કમલ દહલ પણ રાષ્ટ્રપતિ ભવન પહોંચ્યા છે.
ફિલ્મ અભિનેતા શાહરૂખ ખાન અને રિલાયન્સ ઇન્ડસ્ટ્રીઝના ચેરમેન મુકેશ અંબાણી તેમના પુત્ર અનંત અંબાણી સાથે નરેન્દ્ર મોદીના શપથ ગ્રહણ સમારોહમાં હાજરી આપવા માટે રાષ્ટ્રપતિ ભવન પહોંચ્યા છે.
ભાજપના સાંસદ અમિત શાહ નરેન્દ્ર મોદીના વડાપ્રધાન પદના શપથ ગ્રહણ સમારોહમાં હાજરી આપવા માટે રાષ્ટ્રપતિ ભવન પહોંચ્યા હતા.
અરુણાચલ પશ્ચિમના ભાજપના નવા ચૂંટાયેલા સાંસદ કિરેન રિજિજુ અને નાગપુરથી નવા ચૂંટાયેલા ભાજપના સાંસદ નીતિન ગડકરી નરેન્દ્ર મોદીના શપથ ગ્રહણ સમારોહમાં હાજરી આપવા માટે રાષ્ટ્રપતિ ભવન પહોંચ્યા હતા. આજે સાંજે 7.15 કલાકે રાષ્ટ્રપતિ ભવનમાં નરેન્દ્ર મોદી વડાપ્રધાન પદના શપથ લેશે.
ઉત્તર પ્રદેશના મુખ્યપ્રધાન યોગી આદિત્યનાથ નરેન્દ્ર મોદીના શપથ ગ્રહણ સમારોહમાં હાજરી આપવા માટે રાષ્ટ્રપતિ ભવન પહોંચ્યા હતા.
મહારાષ્ટ્રના નાયબ મુખ્યપ્રધાન અને NCP નેતા અજિત પવાર નરેન્દ્ર મોદીના શપથ ગ્રહણ સમારોહમાં હાજરી આપવા માટે રાષ્ટ્રપતિ ભવન પહોંચ્યા હતા.
નવી મોદી સરકારના શપથ ગ્રહણ સમારોહમાં હાજરી આપવા માટે ભાજપના નેતાઓ નિર્મલા સીતારમણ, શિવરાજ સિંહ ચૌહાણ અને અશ્વિની વૈષ્ણવ રાષ્ટ્રપતિ ભવન પહોંચ્યા છે.
બ્રેકગ્રાઉન્ડ
PM Modi Oath Taking Ceremony Live: PM નરેન્દ્ર મોદી આજે સાંજે 7:15 વાગ્યે રાષ્ટ્રપતિ ભવનમાં સતત ત્રીજી વખત વડાપ્રધાન તરીકે શપથ લેવા જઈ રહ્યા છે. શપથગ્રહણ પહેલા રાષ્ટ્રપતિ ભવન ખાતે તૈયારીઓ પૂર્ણ કરી લેવામાં આવી છે. પહેલા નરેન્દ્ર મોદી રાષ્ટ્રપતિ ભવનમાં વડાપ્રધાન તરીકે શપથ લેશે. આ પછી તેમની સરકારમાં સામેલ થનારા કેબિનેટ મંત્રીઓ શપથ લેશે. હવેથી થોડા સમય બાદ નેતાઓ શપથ ગ્રહણ સમારોહ માટે રાષ્ટ્રપતિ ભવન પહોંચવાનું શરૂ કરશે.
મોદી કેબિનેટમાં આ નેતાઓનો સમાવેશ થશે!
મોદીની કેબિનેટમાં અમિત શાહ, રાજનાથ સિંહ, નીતિન ગડકરી, પીયૂષ ગોયલ, ધર્મેન્દ્ર પ્રધાન, શિવરાજ સિંહ ચૌહાણ, અર્જુન રામ મેઘવાલ, જ્યોતિરાદિત્ય સિંધિયા, પંકજ ચૌધરી, રાવ ઈન્દ્રજીત સિંહ, બી.એલ. વર્મા અને અન્નપૂર્ણા દેવીનો સમાવેશ થાય છે.
આ નેતાઓને પણ મળશે મોદી કેબિનેટમાં સ્થાન!
જિતિન પ્રસાદ, અજય ટમ્ટા, ચિરાગ પાસવાન, જી. કિશન રેડ્ડી, બી. સંજય કુમાર, મનસુખ માંડવિયા, જયંત ચૌધરી, મનોહર લાલ, રામદાસ આઠવલે, ગજેન્દ્ર સિંહ શેખાવત, જીતન રામ માંઝી, સર્બાનંદ સોનોવાલ, એચ.ડી. કુમારસ્વામી, પ્રહલાદ જોશી, હર્ષ મલ્હોત્રા, રક્ષા ખડસે, નિત્યાનંદ રાય પણ સામેલ છે.
- - - - - - - - - Advertisement - - - - - - - - -