પ્રતીક ગાંધી 'વો લડકી હૈ કહાં?'માં તાપસી પન્નુ સાથે જોવા મળશે, ફિલ્મના ડાયરેક્ટર અરશદ સૈયદ છે. તો સિદ્ધાર્થ રોય કપૂર તેને પ્રોડ્યૂસ કરી રહ્યાં છે. આ એક ઇન્વેસ્ટિગેટિવ કોમેડી ફિલ્મ છે. નોંધનિય છે કે, આ ફિલ્મથી અરશદ સૈયદ ડિરેક્ટર તરીકે ડેબ્યુ કરી રહ્યા છે. ફિલ્મમાં તાપસી પન્નુ પોલીસ અધિકારીની ભૂમિકા ભજવી રહી છે.
પ્રતીકે સ્કેમ 1992’માં શાનદાર પર્ફોમ કરીને સૌને અભિભૂત કરી દીધા હતા. અરશદે લખેલી સ્ટોરીની પ્રતીક અને તાપસીએ પ્રશંસા કરી છે. . આ પહેલાં તેમણે 'અદાલત', 'સ્ટુડન્ટ ઓફ ધ યર 2', વેબ સિરીઝ 'બ્રીધઃઈનટુ ધ શેડો' લખી હતી. પ્રતીકે જણાવ્યું હતું કે, ‘આ ફિલ્મનો હું હિસ્સો છું એ જાણીને હું ખુશ છું અને તાપસી જોડે કામ કરવા આતૂર છું’
તાપસી પન્નુના વર્કફ્રન્ટની વાત કરીએ તો તે 'હસીન દિલરુબા', 'જન ગન મન', 'રશ્મિ રોકેટ', 'લૂપ લપેટા', 'દોબારા' તથા 'શાબાશ મિઠુ'માં કામ કરી રહી છે.