સોનમ બાદ વધુ એક જાણીતી એક્ટ્રેસે કર્યા લગ્ન, ક્રિકેટરના પુત્ર સાથે લીધા ફેરા

આ ઉપરાંત નેહા ધૂપિયાએ કોમેડી સર્કસ, નૌટંકી-ધ કોમેડી થિયેટર, એમટીવી રોડિઝ, છોટે મિયાં ધાકડ જેવા ટેલિવિઝન શોમાં હોસ્ટ, જજ તરીકે પણ કામ કર્યું છે.

નેહાએ અત્યાર સુધીમાં કયામત, વિલન, જૂલી, શીશા, ક્યા કૂલ હૈ હમ, ગરમ મસાલા, હે બેબી, સિંહ ઈસ કિંગ, રશ, હિન્દી મીડિયમ, તુમ્હારી સુલુ જેવી ફિલ્મોમાં કામ કર્યું છે.

નેહા 2002માં ફેમિની મિસ ઈન્ડિયા બની હતી અને આ જ વર્ષે મિસ યુનિવર્સના ટોપ-10 સ્પર્ધકોમાં પહોંચી હતી.

અંગદ બેદી ક્રિકેટર બિશન સિંહ બેદીનો પુત્ર છે અને અમિતાભ બચ્ચન સાથે પિંક ફિલ્મમાં નજરે પડ્યો હતો. સોનમ કપૂરની જેમ નેહા ધૂપિયાએ પણ પંજાબી વિધિથી લગ્ન કર્યા છે.

નેહા ધૂપિયાએ તસવીર શેર કરીને લખ્યું કે, ‘મારા જીવનનો શ્રેષ્ઠ નિર્ણય. આજે મેં મારા બેસ્ટ ફ્રેન્ડ સાથે લગ્ન કરી લીધા છે. મારા હસબન્ડ સાથેનો ફોટો.’

મુંબઈઃ બોલિવૂડ અભિનેત્રી સોનમ કપૂર બાદ નેહા ધૂપિયાએ પણ લગ્ન કરી લીધા છે. નેહાએ ભારતના પૂર્વ ક્રિકેટર બિશન સિંહ બેદીના પુત્ર અંગદ બેદી સાથે લગ્ન કર્યા છે. નેહા અને અંગદે તેમના લગ્નનો ખુલાસો ઇન્સ્ટાગ્રામ પર કર્યો છે.

નેહા ધૂપિયાનો જન્મ 27 ઓગસ્ટ, 1980ના રોજ થયો હતો. નેહાએ બોલિવૂડ ઉપરાંત તેલુગુ અને મલયાલમ ફિલ્મોમાં કામ કર્યું છે. તેણે એક્ટિંગમાં ડેબ્યૂ સ્ટેજ પ્લેથી કર્યું હતું. સ્ક્રીન પર મલયાલમ ફિલ્મ Minnaramથી ડેબ્યૂ કર્યું હતું. બોલિવૂડમાં વર્ષ 2003માં કયામત ફિલ્મથી કર્યું હતું.