વીડિયોમાં જોવા મળે છે કે, એક પત્રકાર અક્ષય કુમારને મત ન આપવાના મામલે સવાલ કરે છે. પરંતુ અક્ષય કુમારનું રિએક્શન હવે ચર્ચામાં આવ્યું છે.
ઉલ્લેખનીય છે કે 29મી એપ્રિલે અક્ષય કુમારની પત્નિ ટ્વિંકલ ખન્ના તો પોલિંગ બુથ પર નજરે આવી હતી. પરંતુ અક્ષય કુમાર દેખાયો નહોતો. ત્યાર બાદ અક્ષયના કેનેડાના નાગરિક હોવાના સમાચાર ગરમાયા હતા.
અમિતાભ બચ્ચનથી લઈને શાહરુખ ખાન અને આમિર ખાન સુધી પોલિંગ બૂથ પર જોવા મળ્યા હતા. પરંતુ જ્યારે અક્ષય કુમારનો ‘બ્લેંક’ની સ્ક્રીનિંગ દરમિયાન પત્રકારો સાથે સામનો થયો અને મતદાન વિશે સવાલ પૂછવામાં આવ્યો તો અક્ષય કુમારે હસતા-હસતા સવાલને ટાળી દીધો અને જવાબમાં કહ્યું કે,‘ચલીએ, ચલીએ’. ત્યાર બાદ અક્ષય ત્યાંથી ચાલ્યો ગયો.