અમિતાભ બચ્ચે પોતાના ટ્વિટર એકાઉન્ટ પર લખ્યું કે, “ભારત અને ઓસ્ટ્રેલિયા વચ્ચે પ્રથમ ટેસ્ટ, ચિંતા કરવાની કોઈ જરૂર નથી ટીમ ઈન્ડિયા.. આ માત્ર એક ખરાબ દિવસ હતો. આપણે કમબેક કરીશું. આપણા બધાના જીવનમાં ખરાબ દિવસો આવે છે... સેટબેકનો જવાબ કમબેકથી આપીશું.” બીગ બીનું ટ્વિટ ખૂબ વાયરલ થઈ રહ્યું છે.
ભારત અને ઓસ્ટ્રેલિયા વચ્ચે રમાયેલી પ્રથમ ટેસ્ટમાં ટીમ ઈન્ડિયાનો 8 વિકેટથી કારમો પરાજય થયો હતો. મેચ જીતવા 90 રનનો ટાર્ગેટ ઓસ્ટ્રેલિયાએ 2 વિકેટ ગુમાવીને હાંસલ કર્યો હતો. ઓસ્ટ્રેલિયા તરફથી જો બર્ન્સ 51 રન બનાવી નોટ આઉટ રહ્યો હતો. ભારત તરફથી અશ્વિને 1 વિકેટ ઝડપી હતી. જીત સાથે ઓસ્ટ્રેલિયાએ શ્રેણીમાં 1-0ની લીડ લઈ લીધી છે.