આ ફિલ્મને ડિરેક્ટર દિબાકર બેનર્જીએ ડિરેક્ટ કરી છે. દિબાકર બેનર્જીએ ‘લવ સેક્સ ઔર ધોખા’,‘ઓયે લકી, લકી ઓયે’, ‘બોમ્બે ટોકીઝ’ જેવી ફિલ્મ ડિરેક્ટ કરી છે. દિબાકરની છેલ્લે 2015માં સુશાંત સિંહ રાજપૂત સ્ટારર ફિલ્મ ‘ડિટેક્ટિવ બ્યોમકેશ બક્ષી’ મોટા પડદા પર રિલીઝ થઇ હતી. ત્યારબાદ હવે 2020માં આ ફિલ્મ રિલીઝ થશે.
દિબાકર બેનર્જીએ ફિલ્મ વિશે કહ્યું આ ફિલ્મને લઈને એવું લાગે છે કે આ ફરીવાર મારી પહેલી ફિલ્મ છે. આ સ્ટોરી એક છોકરી અને છોકરાની છે જે એકબીજા સાથે પણ રહી નથી શકતા અને એકબીજા વગર પણ ચાલતું નથી.
અર્જુન કપૂર અને પરિણીતી ચોપરાએ ‘ઇશકઝાદે’ ફિલ્મથી સાથે ડેબ્યુ કર્યું હતું. ત્યારબાદ આ બંને ફરીવાર ‘સંદીપ ઔર પિન્કી ફરાર’ ફિલ્મમાં દેખાવાના છે.