સતત ચોથી ફિલ્મની સફળતા સાથે આ એક્ટર બૉલીવુડનો નવો સુપરસ્ટાર, જાણો વિગત

મુંબઇઃ બૉલીવુડમાં બહુ ઓછા એક્ટર હોય છે જે સતત હીટ ફિલ્મો આપીને સ્ટાર બનતા હોય છે. બૉલીવુડમાં સલમાન, શાહરૂખ, આમિર, બિગ બી જેવા એક્ટર્સની વચ્ચે હવે એક નવો એક્ટર પણ બહાર આવ્યો છે, જે છે આયુષ્યમાન ખુરાના.

આયુષ્યમાન ખુરાના અત્યારે બૉલીવુડના નવા સુપરસ્ટાર તરીકે ઉભરી આવ્યો છે. ખુરાનાએ એકપછી એક એમ 4 ફિલ્મો હીટ આપી છે, જેમાં ‘બરેલી કી બર્ફી’, ‘શુભ મંગલ સાવધાન’, ‘અંધાધુન’ અને ‘બધાઈ હો’ સામેલ છે. એટલું નહીં હાલમાં 25 કરોડના નાના બજેટની ફિલ્મ ‘બધાઈ હો’ એ બૉક્સ ઓફિસ પર ધમાલ મચાવી દીધી છે.

આયુષ્યમાન ખુરાના હાલમાં પોતાની ફિલ્મ બધાઇ હો માટે ખુબ ચર્ચામાં છે. 25 કરોડના બજેટથી બનેલી બૉલીવુડની આ ફિલ્મ હાલમાં ખુબ ચર્ચમાં છે. બધાઇ હોએ 100 કરોડના ક્લબમાં નામ નોંધાવી દીધુ છે. અત્યાર સુધી 132 કરોડની કમાણી કરીને તેને બાહુબલીનો પણ રેકોર્ડ તોડી નાંખ્યો છે.