અનુપમ ખેરે પોસ્ટ કરેલા વીડિયોમાં જોવા મળે છે કે માતા દુલારી ખેર મોદીના ભરપેટ વખાણ કરે છે. તેમજ રાહુલ ગાંધીના ‘ચોકીદાર ચોર’ નારા પર પણ દુલારીએ પ્રતિક્રિયા આપી છે. દુલારી બોલી રહ્યાં છે કે, મને મોદી ખુબ ગમે છે. તે સારા માણસ છે. તેમણે કેટલા સારા કામ કર્યા છે. મોદીને ગરીબો દુઆ આપતા હશે. તેમણે આગળ વાત કરતા પીએમની વારાણસી સભાની પણ વાત કરી હતી. તેમણે કહ્યું કે, મોદી જ જીતશે. જો મારે 10 હાથ હોય તો હું 10 હાથોથી મોદીને મત આપું.
અનુપમ ખેરે આ વીડિયો #DulariRockની સાથે શેર કર્યો છે. તેમજ અનુપમે લખ્યું છે ક, ‘exit polls પહેલા જ મારી માતાએ પોતાનો નિર્ણય સંભળાવી દીધો હતો. પરંતુ મે આ વીડિયો મોડો અપલોડ કર્યો છે. હું મતદાન પૂરૂ થવાની રાહ જોઈ રહ્યો હતો. તમે જોઈ શકો છે કે મારી માતા મોદીને શા માટે મત આપવા માંગે છે. તેની છેલ્લી લાઈન વધારે દમદાર છે.’