આ મહામારીના કારણે એન્ટરટેન્ટમેન્ટ ઇન્ડસ્ટ્રી સાથે જોડાયેલા દરરોજ કામ કરનારા મજૂરોની જિંદગી પણ મુશ્કેલ પરિસ્થિતિમાં મુકાઇ ગઇ છે. આ ઉપરાંત બૉલીવુડ ફિલ્મોમાં બેકગ્રાઉન્ડ ડાન્સર્સનુ કામ કરનારા લોકો પણ બેરોજગાર થઇ ગયા છે, હવે આવા લોકોની મદદ માટે એક્ટર શાહિદ કપૂર આગળ આવ્યો છે.
હવે મીડિયા રિપોર્ટ્સમાં કહેવાઇ રહુ છે કે અભિનેતા શાહિદ કપૂર બૉલીવુડના કેટલાક બેકગ્રાઉન્ડ ડાન્સરોની મદદ કરવા માટે આગળ આવ્યો છે. ખરેખરમાં શાહિદ કપૂર પણ કેરિયરની શરૂઆતના દિવસોમાં બેકગ્રાઉન્ડ ડાન્સર રહી ચૂક્યો છે. રિપોર્ટનુ માનીએ તો લગભગ 40 આવા ડાન્સરોની શાહિદે મદદ કરી છે. જેમને તેમની કેરિયરની શરૂઆતમાં તેની સાથે કામ કર્યુ છે.
રાજ સુરાની, જે પૂર્વ બેકગ્રાઉન્ડ ડાન્સર છે, અને હવે ડાન્સરોને નિર્દેશકો સાથે મળાવવામાં મદદ કરે છે. તેને એક અખબારને જણાવ્યુ કે શાહિદ કપૂરે જે ડાન્સરોની સાથે કામ કર્યુ હતુ, તાજેતરમાં જ તેના બેન્ક એકાઉન્ટમાં તેમને પૈસા ટ્રાન્સફર કર્યા છે. શાહિદે લગભગ 40 ડાન્સરોની મદદ કરી છે, અને કહ્યું છે કે તે આગામી બે-ત્રણ મહિના સુધી તેમની મદદ કરતો રહેશે.
રાજ સુરાનીએ આગળ કહ્યું કે અમે એવા ડાન્સરોનુ શોર્ટલિસ્ટ કર્યુ છે જેમને શાહિદના ઇશ્ક વિશ્કથી પોતાની કેરિયર શરૂ કરી હતી. 17 વર્ષ થઇ ચૂક્યા છે, અને તે ખરાબ પરિસ્થિતિમાં છે. બની શકે તેઓ અત્યારે કામ પણ ના કરી શકતા હોય. ઉપરાંત અમે એ ડાન્સરોને પણ સામેલ કર્યા છે જેમને તેની સાથે ધતિંગ નાચ, શાનદાર અને અગલ બગલમાં ગીતમાં સાથે કામ કર્યુ હતુ.