Janhvi Kapoor Phone Wallpaper Pic: બોલિવૂડ અભિનેત્રી જાહ્નવી કપૂર તાજેતરમાં જ તેની ફિલ્મ 'બવાલ'ના કો-સ્ટાર વરુણ ધવન સાથે મુંબઈ એરપોર્ટ પર જોવા મળી હતી. જ્યાં બંને કલાકારો ખૂબ જ કમ્ફર્ટેબલ લુકમાં જોવા મળ્યા હતા. પરંતુ આ દરમિયાન કેમેરામાં કેદ થયેલી સૌથી મહત્વની બાબત જાહ્નવી કપૂરના ફોન પરનું વૉલપેપર હતું. અભિનેત્રીએ તે વ્યક્તિનો ફોટો પોતાના ફોનમાં વોલપેપર પર રાખ્યો છે. જેને તે દુનિયામાં સૌથી વધુ પ્રેમ કરે છે. તો ચાલો જાણીએ કોણ છે તેઓ...
જાહ્નવી કપૂરના વૉલપેપર પર આ વ્યક્તિનો ફોટો
અભિનેત્રી જાહ્નવી કપૂર હંમેશાથી તેની માતા અને દિવંગત અભિનેત્રી શ્રીદેવીની પ્રિય રહી હતી. હવે ભલે શ્રીદેવીએ દુનિયાને અલવિદા કહી દીધું હોય,પરંતુ જાહ્નવી હંમેશા તેને ફોન દ્વારા પોતાની સાથે રાખે છે. જાહ્નવી કપૂરે ફોનના વૉલપેપર પર તેના માતાની તસવીર લગાવી છે. આ તસવીરમાં શ્રીદેવી ગોલ્ડન સાડીમાં જોવા મળી રહી છે અને નાની જાહ્નવી કપૂર તેમના ખોળામાં છે.
બ્લુ ક્રોપ ટોપમાં અભિનેત્રી ખૂબ જ સુંદર લાગી રહી હતી
માનવ મંગલાનીએ પોતાના ઈન્સ્ટાગ્રામ પેઈજ પર જાહ્નવી કપૂર અને વરુણ ધવનના મુંબઈ એરપોર્ટનો વીડિયો શેર કર્યો છે. જેમાં અભિનેત્રી મેચિંગ ટ્રાઉઝર સાથે વાદળી રંગના ક્રોપ ટોપમાં જોવા મળી રહી છે. તેણે ખુલ્લા વાંકડિયા વાળ અને ન્યૂડ મેકઅપ સાથે તેના લૂકને પૂર્ણ કર્યો હતો. જ્યારે વરુણ ધવન ઓલ બ્લેક લુકમાં એકદમ હેન્ડસમ લાગી રહ્યો હતો.
'બવાલ' 21 જુલાઈએ રિલીઝ થશે
જણાવી દઈએ કે વરુણ ધવન અને જાહ્નવી કપૂર પહેલીવાર 'બવાલ'માં સાથે સ્ક્રીન શેર કરવા જઈ રહ્યા છે. બંને ફિલ્મોનું ટ્રેલર રિલીઝ થઈ ગયું છે. આ સિવાય ફિલ્મનું એક ગીત પણ સોશિયલ મીડિયા પર ધૂમ મચાવી રહ્યું છે. જેમાં બંનેની રોમેન્ટિક કેમેસ્ટ્રી જોવા મળી રહી છે. આ ફિલ્મ 21 જુલાઈએ સિનેમાઘરોમાં રિલીઝ થઈ રહી છે.
બોલીવૂડ એક્ટ્રેસ જાહ્નવી કપૂર ખૂબ જ બોલ્ડ અંદાજમાં જોવા મળી હતી. તેની સાથે અભિનેતા વરુણ ધવન પણ હતો.