Allu Arjun Pushpa 2: અલ્લુ અર્જુનની પુષ્પાઃ ધ રાઇઝ(Pushpa: The Rise)ને ચાહકો તરફથી ઘણો પ્રેમ મળ્યો. તેની સફળતા પછી, ફિલ્મ નિર્દેશક સુકુમારે (Sukumar)ફિલ્મના આગામી ભાગની જાહેરાત કરી. હવે ચાહકો માટે સારા સમાચાર એ છે કે પુષ્પાઃ ધ રૂલનું શૂટિંગ શરૂ થઈ ગયું છે. ફિલ્મના સેટ પરથી શૂટિંગની તસવીરો શેર કરવામાં આવી છે. આ મોસ્ટ અવેટેડ ફિલ્મ દર્શકો માટે ખૂબ જ જલ્દી રિલીઝ થશે.
રશ્મિકા મંદન્નાએ ખુશી વ્યક્ત કરી હતી
પુષ્પા ધ રાઇઝમાં મુખ્ય પાત્ર ભજવનાર રશ્મિકા મંદના ફિલ્મનું શૂટિંગ શરૂ થયું ત્યારથી ખૂબ જ ઉત્સાહિત છે. તેણે ટ્વિટર પર પોતાની ખુશી શેર કરી છે. રરશ્મિકાએ શેર કરેલા ફોટોમાં જોઈ શકાય છે કે ફિલ્મની ટીમ કેવી રીતે કામ કરી રહી છે. આ તસવીર કેમેરા પાછળથી લેવામાં આવી છે. આ તસવીર પરથી અંદાજ લગાવી શકાય છે કે ફિલ્મના કામમાં સહેજ પણ વિલંબ નહીં થાય.
પુષ્પા ધ રાઇઝમાં અલ્લુ અર્જુનની એક્ટિંગને ખૂબ પસંદ કરવામાં આવી હતી. તેમણે તેમના તેજસ્વી કામ માટે ઘણી પ્રશંસા મેળવી હતી. આ ફિલ્મમાં બોલાયેલા તેમના ડાયલોગ્સ ખૂબ ફેમસ થયા હતા. ખાસ કરીને તેમના બોલાયેલા ડાયલોગ 'ઝુકેગા નહીં'એ ઘણી પ્રસિદ્ધિ મેળવી હતી. આ સાથે રશ્મિકા મંદનાની એક્ટિંગને પણ દર્શકોનો ઘણો પ્રેમ મળ્યો. તેણે પોતાની સ્ટાઈલથી ચાહકોનું દિલ જીતી લીધું હતું.
પુષ્પાઃ ધ રાઇઝ(Pushpa: The Rise)નું નિર્દેશન સુકુમાર (Sukumar)દ્વારા કરવામાં આવ્યું હતું અને તેઓ ફિલ્મના આગામી ભાગનું નિર્દેશન કરી રહ્યા છે. ફિલ્મમાં અલ્લુ અર્જુન(Allu Arjun) સાથે રશ્મિકા મંદના(Rashmika Mandanna) લીડ રોલમાં જોવા મળશે. આ સિવાય થોડા મહિના પહેલા પુષ્પાના મેકર્સે ફિલ્મની આખી ટીમ સાથે પૂજાનું આયોજન પણ કર્યું હતું.