સૈફ અલી ખાન ફિલ્મમાં વિલન એટલે કે રાવણના રૉલમાં દેખાશે. તેનુ નામ લંકેશ હશે. ફિલ્મમાં સીતાની ભૂમિકાને લઇને કેટલીય એક્ટ્રેસીસનુ નામ ચર્ચાયુ હતુ. જેમાં અનુષ્કા શેટ્ટી, અનુષ્કા શર્મા અને કૃતિ સેનન સહિત સાઉથ અને બૉલીવુડની કેટલીય એક્ટ્રેસના નામ પર વિચાર કરવામાં આવ્યો હતો. અંતે ફિલ્મમાં સીતાના રૉલ માટે મેકર્સ કૃતિ સેનના નામ પર મહોર મારી દીધી છે, એટલે કે ફિલ્મમાં સીતાની ભૂમિકામાં કૃતિ સેનને દેખાશે.
ફિલ્મની શૂટિંગ આગામી વર્ષે જાન્યુઆરીથી શરૂ થવાની છે. મુંબઇ મિરરના રિપોર્ટ પ્રમાણે, હિન્દી અને તેલુગુ ઇન્ડસ્ટ્રીમાં કેટલાય નામો પર વિચાર કર્યા બાદ મેકર્સે હિન્દી ફિલ્મની કૃતિ સેનને સીતા બનાવવાનો ફેંસલો કર્યો હતો. તે ફિલ્મમાં સન્માનીય અને શાંત સ્વભાવની સીતાનો રૉલ કરશે. ફિલ્મનુ મોટા ભાગનુ શૂટિંગ ક્રૉમા પર થશે.
ઉલ્લેખનીય છે કે આદિપુરુષ હિન્દી અને તેલુગુમાં શૂટ થશે. આને તામિલ, મલયાલમ, કન્નડ અને બીજી કેટલીય આંતરરાષ્ટ્રીય ભાષાઓમાં ડબ કરીને રિલીઝ કરવામાં આવશે. આગામી 11 ઓગસ્ટે આને રિલીઝ કરવામાં આવશે.