Ameesha Patel On Wedding Plan: બૉલીવુડ એક્ટ્રેસ અમીષા પટેલ ફિલ્મ ગદર 2ની સફળતા બાદથી ચર્ચામાં છે. ગદર 2 પછી અમીષા પટેલ દરેક જગ્યાએ ચર્ચામાં રહે છે. તે સોશિયલ મીડિયા પર ખૂબ જ એક્ટિવ છે અને તેના ફેન્સ માટે કંઈક ને કંઈક શેર કરતી રહે છે. અમીષા આસ્ક મી સેશન દ્વારા ચાહકો સાથે વાત કરે છે. હાલમાં જ અમીષાએ સોશિયલ મીડિયા પર ચાહકો સાથે વાત કરી હતી અને તેમના લગ્નના પ્લાન વિશે જણાવ્યું હતું.
એક યૂઝરે અમીષાને પૂછ્યું કે તે 49 વર્ષની છે, શું તેણીનો લગ્ન કરવાનો કોઈ પ્લાન છે ? આ સવાલનો જવાબ અમિષાએ ખૂબ જ ફની રીતે આપ્યો. તેણે સલમાન ખાન સાથે લગ્ન કરવાની ઈચ્છા પણ વ્યક્ત કરી કારણ કે તે પણ હજુ સિંગલ છે.
લગ્ન માટે તૈયાર છે અમીષા પટેલ
અમિષાએ જવાબ આપ્યો- 'સલમાન પરણિત નથી અને હું પણ નથી? શું તમને લાગે છે કે આપણે લગ્ન કરવા જોઈએ? અમારા માટે તમારો મત શું છે, લગ્ન કે ફિલ્મ પ્રોજેક્ટ? અમીષાએ આગળ લખ્યું- હું ઘણા સમયથી તૈયાર છું, મને છોકરો નથી મળી રહ્યો.
અમીષા પટેલની ગદર 2 વિશે વાત કરીએ તો આ ફિલ્મે બોક્સ ઓફિસ પર ઘણા રેકોર્ડ તોડ્યા હતા. આ ફિલ્મે 600 કરોડથી વધુની કમાણી કરી હતી. તારાસિંહ અને સકીનાની જોડીને ઘણો પ્રેમ મળ્યો. ગદર 2 ની સફળતા બાદ હવે ચાહકો ગદર 3 ની રાહ જોઈ રહ્યા છે. ગદરના પહેલા ભાગના 22 વર્ષ પછી નિર્માતા તેનો બીજો ભાગ લાવ્યા. જે સુપરહિટ સાબિત થઈ હતી. ખાસ વાત એ છે કે અમીષા પટેલ પણ ગદર 3નો ભાગ હશે. ગદર 2 હિટ થયા પછી જ નિર્માતાઓએ તેના ત્રીજા ભાગની જાહેરાત કરી. ગદર 2 પછી અમીષા કોઈ પ્રોજેક્ટમાં જોવા મળી નથી. હવે ચાહકો તેના આગામી પ્રોજેક્ટ્સની આતુરતાથી રાહ જોઈ રહ્યા છે.