બોલીવુડના મહાનાયક અમિતાભ બચ્ચન (Amitabh Bachchan) સોશિયલ મીડિયા પર ખુબ જ એક્ટિવ રહે છે. અમિતાભ ઈંસ્ટાગ્રામ, ટ્વિટર અને ફેસબુક ત્રણેય પ્લેટફોર્મ પર લગભગ રોજ કંઈ ને કંઈ પોસ્ટ કરતા હોય છે અને પોતાના ફેન્સ સાથે વાતચીત પણ કરતા હોય છે. જો કે, ઘણી વખત બીગ બીને પોતાની આવી જ પોસ્ટના કારણે ટ્રોલિંગનો સામનો કરવો પડ્યાના કિસ્સા પણ બન્યા છે. જો કે, બચ્ચન ટ્રોલિંગને પણ ખુબ જ વિનમ્રતાથી પાર પાડ છે.
હમણાં જ રવિવારની સવારે અમિતાભ બચ્ચને પોતાના ફેસબુક પર એક પોસ્ટ લખી જેના કારણે તેઓ ટ્રોલ થયા હતા. જો કે બચ્ચને ટ્રોલર્સને ખુબ જ પ્રેમથી એવો જવાબ આપ્યો કે દિલ જીતી લીધું હતું. અમિતાભ બચ્ચને 15 મે રવિવારના દિવસે સવારે 11.30 વાગ્યે પોતાના ફેન્સને ગુડ મોર્નિંગ વિશ કર્યું તો લોકોએ તેમને એવું કહીને ટ્રોલ કર્યા કે હવે તો બપોર થવા આવ્યા છે. પોસ્ટ પર કોમેન્ટ કરતાં લોકોએ કેટલાક અપશબ્દોનો પણ ઉપયોગ કર્યો પરંતુ બિગ બીએ ખોટું ના લગાડ્યું. એક શખ્સે પોસ્ટ પર કોમેન્ટ કરતાં લખ્યું કે, ઓ બુઢઉ, 12 વાગી રહ્યા છે અને અત્યારે શુભપ્રભાત કહી રહ્યા છો. યૂઝરની આ કોમેન્ટ પર બિગ બીએ જવાબ આપ્યો કે, "કહેવા દો, સત્ય તો કહી રહ્યો છે. હું દેશમાં જ છું અને મોડી રાત સુધી કામ કર્યું એટલે મોડો ઉઠ્યો છું."
એક અન્ય સોશિયલ મીડિયા યુઝર્સે લખ્યું કે, આજ ખુબ મોડી ઉતરી... લાગે છે દેશી પર આવી ગયા છે. આજકાલ 11:30 વાગ્યે પ્રાતઃકાલ. આ કોમેન્ટના જવાબમાં અમિતાભ બચ્ચને લખ્યું - "ખુદ નથી પીતો બીજાને પીવડાવી દઉ છું મધુશાલા." હરિઓમ પાંડેય નામના એક શખ્સે અમિતાભને કહ્યું કે, જય શ્રી રામ. આ કોમેન્ટના જવાબમાં બચ્ચને પણ અલગ રીતે જવાબ આપ્યો. તેમણે કોમેન્ટ કરી, "હરિઓમ પાંડેય બોલો સિયા પતિ રામચંદ્રની જય"