Alia Bhatt wins Spotlight Award: બમ્પર કમાણીનો રેકોર્ડ તોડ્યા પછી, હવે એસએસ રાજામૌલીની આરઆરઆર એવોર્ડ એકત્ર કરવામાં વ્યસ્ત છે. હોલીવુડ ક્રિટીક્સ એસોસિએશનના વર્ષ 2023ના ઈવેન્ટમાં આ ફિલ્મે પાંચ એવોર્ડ પોતાના નામે કર્યા છે. આલિયા ભટ્ટને ફિલ્મ RRR માટે સ્પોટલાઈટ એવોર્ડ મળ્યો છે, જ્યારે જુનિયર એનટીઆરને પણ સ્પોટલાઈટ એવોર્ડ મળ્યો છે. હોલીવુડ ક્રિટિક્સ એસોસિએશનના ટ્વિટર હેન્ડલ પરથી આ માહિતી આપવામાં આવી છે.
અભિનેત્રી આલિયા ભટ્ટને RRR માટે એવોર્ડ મળ્યો
આલિયા અને જુનિયર એનટીઆરને આ ટ્રોફી આપવા વિશે વાત કરતા, HCA ના ટ્વિટર હેન્ડલ પર લખ્યું કે, 'RRR' ફેન્સ, અમે તમારી સાથે જુનિયર NTR અને આલિયા ભટ્ટ તરફથી એવોર્ડ શેર કરવા માંગીએ છીએ. જે અમે તેમને આવતા અઠવાડિયે મોકલી આપીશું. તમારા બધાના પ્રેમ અને સમર્થન માટે તમારો ખૂબ ખૂબ આભાર.. હોલીવુડ ક્રિટિક્સ એસોસિએશન #RRRGoesGlobal #RRRMovie #AliaBhatt #NTRAmaRaoJr." તમને જણાવી દઈએ કે આ ફિલ્મના ગીત 'નાટુ-નાટુ'ને ઓસ્કાર 2023માં શ્રેષ્ઠ ગીત માટે નોમિનેટ કરવામાં આવ્યું છે. જેનું પરિણામ 12 માર્ચે જાહેર કરવામાં આવશે.
આલિયા ભટ્ટ અને અજય દેવગણે કેમિયો કર્યો હતો
ફિલ્મ 'RRR' માર્ચ 2022માં રિલીઝ થઈ હતી. જેમાં રામ ચરણ અને જુનિયર એનટીઆર મુખ્ય ભૂમિકામાં જોવા મળ્યા હતા. આ ફિલ્મમાં આલિયા ભટ્ટે રામ ચરણની પત્નીનો રોલ કર્યો હતો. આ સિવાય બોલિવૂડ એક્ટર અજય દેવગણે પણ ફિલ્મમાં કેમિયો કર્યો હતો. આ ફિલ્મે કમાણીના મામલામાં ઘણા રેકોર્ડ તોડ્યા અને બોક્સ ઓફિસ પર મેગા બ્લોકબસ્ટર રહી. કલેક્શન વિશે વાત કરીએ તો, ફિલ્મે તેના થિયેટર રન દરમિયાન 1000 કરોડ રૂપિયાથી વધુની કમાણી કરી હતી. તમને જણાવી દઈએ કે આલિયા ભટ્ટે થોડા મહિના પહેલા જ એક સુંદર દીકરીને જન્મ આપ્યો છે. જેનું નામ રાહા રાખવામાં આવ્યું છે.