Sunny Leone: અભિનેત્રી સની લિયોન એક સમયે માત્ર એડલ્ટ ફિલ્મોમાં જ જોવા મળતી હતી. પરંતુ આજના સમયમાં તેણે પોતાની મહેનતના દમ પર બોલિવૂડ અને ટીવી ઈન્ડસ્ટ્રીમાં પોતાની એક અલગ ઓળખ બનાવી છે. સની લિયોન MTV પર ઘણા રિયાલિટી શો હોસ્ટ કરતી જોવા મળે છે. આ સાથે તે બોલિવૂડની ઘણી ફિલ્મોમાં પણ જોવા મળી છે. ભલે સની લિયોને ઘણી હિન્દી ફિલ્મોમાં કામ કર્યું છે, પરંતુ આજે પણ લોકો તેને માત્ર એડલ્ટ ફિલ્મોની હિરોઈન તરીકે જ ઓળખે છે.
થોડા સમય પહેલા એક ઈન્ટરવ્યુમાં સની લિયોને કહ્યું હતું કે, તેણે એડલ્ટ ફિલ્મોમાંથી બહાર આવીને ઘણી મહેનતથી બોલિવૂડમાં પોતાનું સ્થાન બનાવ્યું છે. સનીએ કહ્યું હતું કે, શરૂઆતમાં લોકો તેને કામ નહોતા આપતા. તેને નોકરી મેળવવા માટે અનેક સમાધાન પણ કરવા પડ્યા છે. તે પોતાની ફિલ્મી કરિયરનું દર્દ વર્ણવતી વખતે રડવા લાગે છે.
એડલ્ટ ફિલ્મોના કારણે લોકો મને હેરાન કરતા
અભિનેત્રી સની લિયોને ઈન્ટરવ્યુમાં કહ્યું હતું કે, તે કોઈને ખુશ કરવા માટે કોઈ કામ કરતી નથી, પરંતુ તેને કામ કરવું ગમે છે. સની લિયોને તેના જીવનમાં ઘણા વર્ષો સુધી એડલ્ટ ફિલ્મોમાં કામ કર્યું. આ કારણે તેણે પોતાના પરિવારને પણ છોડવો પડ્યો હતો. કારણ કે, તેના જ લોકોએ તેના પર અત્યાચાર શરૂ કર્યો હતો. સની લિયોને કહ્યું હતું કે, એડલ્ટ ફિલ્મોમાં કામ કરવાને કારણે તેના પેરેન્ટ્સ પણ તેને બિલકુલ પસંદ નહોતા કરતા.
લોકો આજે પણ મારી એડલ્ટ મૂવીઝની વેબસાઈટ જ સર્ચ કરે છે
પોતાના વિશે વાત કરતા સની લિયોને કહ્યું હતું કે, ઈન્ટરનેટ એક મોટી જગ્યા છે અને મેં તમને મને શોધવા માટે નથી કહ્યું. તમે પોતે જ મને શોધી રહ્યા છો. હું કોઈને ઉશ્કેરતો નથી કે ના તો કોઈને મારું નામ શોધવા કે ના તો મારી વેબસાઇટની મુલાકાત લેવા માટે કહુ છું. લોકો આ પોતાની મરજીથી કરે છે અને જો તેઓને તે અશ્લીલ કે ખોટું લાગે તો તેમણે આવી ફિલ્મો કે ક્લિપિંગ્સ ન જોવી જોઈએ.
મને અને મારા પતિને કોઈ વાંધો નથી
સની લિયોને કહ્યું હતું કે, જ્યારે તે ભારત આવી ત્યારે તેને લાગ્યું કે અહીંના લોકો તેને સ્વીકારશે નહીં, પરંતુ અહીં ઘણા લોકો ખરેખર મૈત્રીપૂર્ણ અને ખુલ્લા મનના છે. જોકે શરૂઆતમાં થોડી મુશ્કેલી હતી, પરંતુ હવે તેને અને તેના પતિને અહીં કોઈ સમસ્યાનો સામનો કરવો પડતો નથી. જાહેર છે કે, સની લિયોને પોતે વર્ષ 2012થી કોઈ એડલ્ટ ફિલ્મમાં કામ કર્યું નથી અને તે માત્ર બોલિવૂડની ફિલ્મોમાં જ કામ કરી રહી છે. પરંતુ તેની એડલ્ટ ફિલ્મ પ્રોડક્શન કંપની અને એડલ્ટ વેબસાઈટ હજુ પણ સક્રિય છે.
19 વર્ષની ઉંમરથી એડલ્ટ ફિલ્મોમાં કામ કર્યું
સની લિયોને તેની ડોક્યુમેન્ટ્રીમાં કહ્યું હતું કે, મને હિન્દી ફિલ્મોમાં અમુક ભૂમિકાઓ માટે પૂછવામાં આવે છે. જોકે હું સારું કામ કરવાનો પ્રયત્ન કરું છું. સની લિયોને કહ્યું- જ્યારે મેં એડલ્ટ ફિલ્મોમાં કામ કરવાનું શરૂ કર્યું ત્યારે હું 19 વર્ષની હતી. લોકો મને પસંદ નહોતા કરતા. એડલ્ટ ફિલ્મો વિશે જાણ્યા પછી મારા પોતાના પરિવારના સભ્યો મને શું નહોતા કહેતા. તેઓએ મને ગંદા નામોથી બોલાવવાનું શરૂ કર્યું હતું. કારણ કે, હું જે કામ કરતી હતી તે તેમને અને તેમના સમાજને બિલકુલ સ્વીકાર્ય નહોતું.