મુંબઇઃ બૉલીવુડની ક્વિન કંગના રનૌત મીડિયામાં છવાયેલી રહે છે, તે ક્યારેક તસવીરો અને વીડિયો ના કારણે તો ક્યારેક વિવાદોના કારણે ફેન્સની વચ્ચે ચર્ચામાં રહે છે. હવે ફરીથી એકવાર ક્વિન કંગના પોતાના બૉલ્ડ અદાઓના કારણે સોશ્યલ મીડિયા પર છવાઇ છે. કંગનાએ તેની અપકમિંગ ફિલ્મ ધાકડના પહેલા ગીતનું એક ટીઝર શેર કર્યુ છે, જેમાં તે બૉલ્ડ દેખાઇ રહી છે, આમાં She's on Fire ગીતનુ ટીઝર છે. જુઓ કંગનાની બૉલ્ડનેસ.....
કંગનાએ ખુદના ઇન્સ્ટાગ્રામ પર ધાકડના ગીતનુ ટીઝર શેર કર્યુ છે જે ખુબ વાયરલ થઇ રહ્યું છે. કંગનાએ બૉલ્ડનેસની હદો વટાવી છે, ખાસ વાત છે કે, આ ગીતમાં બાદશાહે ગાયુ છે, આમાં કંગનાની સાથે અર્જુન રામપાલ પણ જોવા મળી રહ્યા છે. ટીજર શેર કરતાં એક્ટ્રેસ કંગનાએ લખ્યું - આગ એટલી ભીષણ છે કે ફાયર બ્રિગેડ તેને બુઝાવી નહીં શકે.
ઉલ્લેખનીય છે કે કંગનાની ફિલ્મ ધાકડ એક એક્શન અને થ્રિલર મૂવી છે. આમાં કંગનાનો એક્શન અવતાર જોવા મળી રહ્યો છે, તે બંદૂક ચલાવતી અને વિલેન સાથે ફાઈટ કરે છે. આ ફિલ્મમાં કંગનાની સાતે અર્જૂન રામપાલ અને દિવ્યા દત્તા પણ લીડ રૉલમાં છે. 24મે એ આ ફિલ્મ સિનેમાઘરોમાં રિલીઝ થઇ રહી છે.