Deepika Padukone: ઓસ્કાર 2023 પ્રેઝેન્ટ કર્યા બાદ પ્રથમ વખત દીપિકા પાદુકોણ શુક્રવારે રાત્રે એરપોર્ટ પર જોવા મળી હતી. અભિનેત્રી અમેરિકાથી પરત આવી હતી. આ દરમિયાન, પાપારાઝીએ તેની તસવીરો ક્લિક કરી હતી. દીપિકા પાદુકોણ શુક્રવારે લોસ એન્જલસમાં 95માં એકેડેમી એવોર્ડ ફંક્શનમાં હાજરી આપીને અમેરિકાથી ભારત પરત ફરી હતી. મુંબઈ એરપોર્ટ પર પાપારાઝીએ તેને પોતાના કેમેરામાં કેદ કરી હતી. આ દરમિયાન એક્ટ્રેસ ઓલ બ્લેક લુકમાં અદભૂત લાગી રહી હતી.
દીપિકાએ બ્લેક પેન્ટ અને બ્લેક બૂટ સાથે બ્લેક ટોપ પહેર્યું હતું અને મેચિંગ સનગ્લાસ પહેર્યા હતા. આ લુકમાં અભિનેત્રીનો સ્વેગ સ્પષ્ટ દેખાઈ રહ્યો હતો. દીપિકાએ મેચિંગ બ્લેક બેગ સાથે મેચિંગ બ્લેક આઉટફિટ સાથે પોતાનો લુક પૂર્ણ કર્યો હતો. દીપિકાના એરપોર્ટ લુકના ખૂબ વખાણ થઈ રહ્યા છે. દીપિકા એરપોર્ટ પર પાપારાઝીને જોઈને હસતી જોવા મળી હતી. આ દરમિયાન પાપારાઝીએ અભિનેત્રીની ખુબ તસવીરો પણ ક્લિક કરી હતી.
એરપોર્ટથી બહાર આવીને દીપિકાએ તેની કારમાં બેસતા પહેલા પાપારાઝી માટે પોઝ પણ આપ્યા હતા. તસવીરો ક્લિક કરતી વખતે, અભિનેત્રીએ તેની 100 મિલિયન ડોલરની સ્માઈલ પણ ફ્લોન્ટ કરી હતી. સોમવારે આયોજિત ઓસ્કારમાં દીપિકા પાદુકોણ પ્રેઝેંટર્સમાંની એક હતી. તેણીના રેડ કાર્પેટ દેખાવ માટે, તેણીએ ડીઝાઈનર લેબલ Louis Vuitton નું બ્લેક ઓફ શોલ્ડર ગાઉન પહેર્યું હતું. ઓસ્કારમાં, દીપિકાએ સ્ટેજ પર 'RRR' ગીત 'નાટૂ નાટૂ'ના પરફોર્મન્સને સ્ટેજ પર ઈન્ટ્રોડ્યૂઝ કર્યું હતું.
દીપિકા પાદુકોણ ટૂંક સમયમાં રિતિક રોશન સાથે 'ફાઇટર'માં જોવા મળશે. સિદ્ધાર્થ આનંદ દ્વારા નિર્દેશિત એક્શન ડ્રામામાં અનિલ કપૂર પણ મહત્વની ભૂમિકામાં છે. દીપિકા પાદુકોણ 'પ્રોજેક્ટ કે' માં પણ જોવા મળશે. આ ફિલ્મમાં તે પ્રભાસની સાથે દર્શકોનું મનોરંજન કરશે.
લોસ એન્જલસમાં રાજામૌલીના ઘરે યોજાઇ નાટૂ- નાટૂની ઓસ્કાર જીતની પાર્ટી
દક્ષિણ સિનેમાની ફિલ્મ RRR ના નાટૂ- નાટૂ ગીતે 95મા ઓસ્કાર એવોર્ડમાં જીત મેળવી છે. આવી સ્થિતિમાં નાટૂ- નાટૂની ઓસ્કર જીત્યા બાદ પાર્ટીની કેટલીક અંદરની તસવીરો સામે આવી છે. ઓસ્કાર એવોર્ડ 2023માં સાઉથ સિનેમાની બ્લોકબસ્ટર ફિલ્મ RRR ના સુપરહિટ ગીત નાટૂ- નાટૂએ શ્રેષ્ઠ મૂળ ગીતની કેટેગરી જીતી છે. નાટૂ- નાટૂની આ જીત સાથે ભારતીય સિનેમા માટે એક ઐતિહાસિક ક્ષણ પણ સ્થાપિત થઈ ગઈ છે. નાટૂ- નાટૂની આ જીતની દરેક જગ્યાએ ચર્ચા થઈ રહી છે, સાથે જ આ ગીતની જીતની ઉજવણી પણ થઈ રહી છે. આવી સ્થિતિમાં ઓસ્કાર જીત્યા પછી સોમવારે મોડી રાત્રે RRR ડિરેક્ટર એસએસ રાજામૌલીના લોસ એન્જલસના ઘરે એક પાર્ટીનું આયોજન કરવામાં આવ્યું છે. જેની અંદરની તસવીરો સામે આવી છે.