Double XL Box Office Collection Day 3: બોલિવૂડ એક્ટ્રેસ સોનાક્ષી સિંહા અને હુમા કુરેશી સ્ટારર કોમેડી-ડ્રામા ફિલ્મ 'ડબલ એક્સએલ'ને વિવેચકો તેમજ પ્રેક્ષકો તરફથી મિશ્ર પ્રતિસાદ મળ્યો છે. ફિલ્મમાં વજનને લઇને વાર્તા પ્રેક્ષકોને પસંદ આવી નથી. સપ્તાહના અંતે ફિલ્મની કમાણીની ગતિ ઘણી ધીમી હતી.
'ડબલ એક્સએલ' ત્રીજા દિવસની કમાણી?
ફિલ્મ 'ડબલ એક્સએલ' તેના શરૂઆતના દિવસથી જ થિયેટર્સમાં મિશ્ર પ્રતિસાદ મળી રહ્યો છે. કમાણીની વાત કરીએ તો ફિલ્મે રિલીઝના પહેલા દિવસે એટલે કે શુક્રવારે 15 લાખ રૂપિયાની કમાણી કરી હતી જ્યારે બીજા દિવસે ફિલ્મનું કલેક્શન 23 લાખ રૂપિયા હતું. ડબલ એક્સએલએ ત્રીજા દિવસે 18 લાખનું કલેક્શન કર્યું છે.
આ ફિલ્મ દર્શકોને પસંદ આવી નથી
'ડબલ એક્સએલ' એક એવી ફિલ્મ છે જે બોડી શેમિંગ જેવા ગંભીર મુદ્દા પર આધારિત છે. આ વિષયને ફિલ્મમાં કોમેડી સાથે રજૂ કરવામાં આવ્યો છે. ફિલ્મમાં સોનાક્ષી અને હુમા ઉપરાંત ઝહીર ઈકબાલ અને મહત રાધવેન્દ્ર પણ મહત્વની ભૂમિકામાં છે. કહેવામાં આવી રહ્યું છે કે આ ફિલ્મ લગભગ 15 થી 20 કરોડના બજેટમાં બની છે.
Adipurush New Release Date: વિવાદોની વચ્ચે મેકર્સે બદલી 'આદિપુરુષ'ની રિલીઝ ડેટ, જાણો શું છે નવી તારીખ
Adipurush New Release Date: સુપરસ્ટાર પ્રભાસ સ્ટારર 'આદિપુરુષ' સતત વિવાદોથી ઘેરાઇ રહી છે, અને હવે આને ધ્યાનમાં રાખતા મેકર્સે ફિલ્મની રિલીઝ ડેટને લઇને એક મોટો ફેંસલો કર્યો છે, પોતાની વીએફએક્સને લઇને સતત વિવાદોમાં રહેવાના કારણે ફિલ્મની ટીમે હાલમાં આની રિલીઝ ડેટ આગળ લંબાવવાનો ફેંસલો કર્યો છે, હવે આ ફિલ્મ આગામી વર્ષે જૂનમાં રિલીઝ કરવામાં આવશે.
ફિલ્મને લઇને મેકર્સે એક અધિકારીક નિવેદન આપ્યુ છે, જેમાં કહેવામા આવ્યુ છે કે, 'આદિપુરુષ' માત્ર એક ફિલ્મ નથી, પરંતુ પ્રભુ શ્રીરામના પ્રત્યે ભક્તિ તથા આપણા ગૌરવશાળી ઇતિહાસ અને સંસ્કૃતિના પ્રત્યે આપણી પ્રતિબદ્ધતાનુ પ્રતિક છે. દર્શકોને એક અદભૂત અનુભવ આપવા માટે 'આદિપુરુષ'ના નિર્માણ સાથે જોડાયેલા લોકોને થોડોક વધુ સમય આપવાની જરૂર છે. 'આદિપુરુષ' હવે જૂન 16, 2023માં રિલીઝ થશે, અમે એક એવી ફિલ્મ બનાવવા માટે પ્રતિબદ્ધ છીએ જેના પર સંપૂર્ણ ભારતને ગર્વ થાય, આ રામરાજમાં તમારો સહયોગ, પ્રેમ અને આશીર્વાદ અમે સદૈવ પ્રેરિત કરતા રહ્યાં છે, અને કરતા રહેશે