અભિનેતા ફરહાને હૉસ્પીટલમાં મોકલવા માટે તૈયાર કરવામાં આવેલી પીપીઇ કિટના ડબ્બાઓની તસવીર મંગળવારે ટ્વીટ કરી હતી. તેને લખ્યું- હું એ જણાવતા ખુશ છુ કે અમારી પીપીઇ કિટનો જથ્થો મુંબઇની કામા હૉસ્પીટલ માટે મોકલી દેવામાં આવી છે, યોગદાન આપનારા દરેક લોકોનો આભાર.
તેને આગળ લખ્યું- કોરોના વાયરસ વિરુદ્ધ પોતાનો જીવ જોખમમાં મુકીને આગળ આવીને જંગ લડી રહેલા ચિકિત્સાકર્મીઓને સુરક્ષિત રાખવા તમાટે મદદ કરશે, જય હિન્દ.
નોંધનીય છે કે, દેશમાં કોરોના સંક્રમણના કેસો ઝડપથી વધી રહ્યા છે, કોરોના દર્દીઓની સંખ્યા દેશમાં 106750 થઇ ગઇ છે, જ્યારે આ મહામારીથી 3303 લોકોએ જીવ પણ ગુમાવ્યો છે.