ફેડરેશન ઓફ વેસ્ટર્ન ઇન્ડિયા સિને એમ્પ્લૉઇઝ (FWICE) અને ઇન્ડિયન મૉશન પિક્ચર્સ પ્રૉડ્યૂસર્સ એસોસિએશન (IMPPA), વેસ્ટર્ન ઇન્ડિયા ફિલ્મ પ્રૉડ્યૂસર્સ એસોસિએશન (WIFPA), ઇન્ડિયન ફિલ્મ એડ ટેલિવિઝન ડાયરેક્ટર્સ એસોસિએશન (IFDTA) તથા ઇન્ડિયન ફિલ્મ એડ ટેલિવિઝન પ્રૉડ્યૂસર્સ કાઉન્સિલ (IFTPC) જેવી સંસ્થાઓની વચ્ચે IMPPAની ઓફિસમાં થયેલી એક મીટિંગમાં આ નિર્ણય લેવામાં આવ્યો છે. આ અનુસાર હવે 19થી 31 માર્ચની વચ્ચે કોઇપણ પ્રકારનુ શૂટિંગ નહીં થાય.
IFTDAના અધ્યક્ષ અશોક પંડિત, IMPPAના અધ્યક્ષ ટીપી અગ્રવાલ, IFTPCના અધ્યક્ષ જેડી મજીઠિયા, WIFAના અધ્યક્ષ સંગ્રામ શિર્કે અને FWICEના જનરલ સેક્રેટરી અશોક ડુબેએ આ મીટિંગમાં ભાગ લીધો હતો.
મીટિંગમાં બધાએ એક સૂરમાં કહ્યું હતુ કે શૂટિંગ સાથે સંકળાયેલા કારીગરોની જીવ અને સ્વાસ્થ્યથી વધુ અમારા માટે કંઇપણ નથી. જેથી અમે શૂટિંગ બંધ રાખવાનો નિર્ણય લઇએ છીએ.