Fukrey 3 Box Office Collection Day 6: 'ફુકરે 3' ગયા મહિને 28મી સપ્ટેમ્બરે સિનેમાઘરોમાં રિલીઝ થઈ હતી. ફિલ્મને રિલીઝ થયાને 6 દિવસ થઈ ગયા છે અને ફિલ્મ બોક્સ ઓફિસ પર શાનદાર કમાણી કરી રહી છે. દર્શકોને આ ફિલ્મ ઘણી પસંદ આવી રહી છે જેના કારણે ફિલ્મ સારી કમાણી કરી રહી છે. 'ફુકરે 3' એ 2013ની કોમેડી ડ્રામા ફિલ્મ ફુકરેની સિક્વલ છે જેમાં રિચા ચઢ્ઢા, વરુણ શર્મા, પુલકિત સમ્રાટ, મનજોત સિંહ અને પંકજ ત્રિપાઠી મુખ્ય ભૂમિકામાં જોવા મળ્યા છે.
'ફુકરે 3'એ તેની રિલીઝના 5માં દિવસે 11.69 કરોડ રૂપિયાની કમાણી કરી હતી. હવે 6ઠ્ઠા દિવસનું કલેક્શન પણ સામે આવ્યું છે. SACNILCના રિપોર્ટ અનુસાર, 'Fukrey 3' મંગળવારે એટલે કે છઠ્ઠા દિવસે 5 કરોડ રૂપિયાનું કલેક્શન કરી શકે છે. આ રીતે ફિલ્મનું કુલ કલેક્શન 60.17 કરોડ રૂપિયા થઈ ગયુ છે. તમને જણાવી દઈએ કે આ કલેક્શન શાહરૂખ ખાનની સુપરહિટ ફિલ્મ 'જવાન'ની કમાણી કરતા પણ વધુ છે.
'ફુકરે 3'નું દિવસ મુજબનું કલેક્શન
દિવસ 1- 8.82 કરોડ
દિવસ 2- 7.81 કરોડ
દિવસ 3- 11.67 કરોડ
દિવસ 4- 15.18 કરોડ
દિવસ 5- 11.69 કરોડ
દિવસ 6- 5.00 કરોડ
કુલ- 60.17 કરોડ
'ફુકરે 3' શાહરુખ ખાનની ફિલ્મ'જવાન'ને ટક્કર આપી રહી છે
'ફુકરે 3' મંગળવારના બિઝનેસમાં 'જવાન'ને પણ પાછળ છોડી દિધી છે. તમને જણાવી દઈએ કે શાહરૂખ ખાનની ફિલ્મ મંગળવારે 3 કરોડ રૂપિયાની કમાણી કરી શકે છે, જે અત્યાર સુધીની સૌથી ઓછી કમાણી હશે. 'ફુકરે 3'ની વાત કરીએ તો આ એક કોમેડી ડ્રામા ફિલ્મ છે જેમાં રિચા ચઢ્ઢા ભોલી પંજાબનના રોલમાં જોવા મળે છે. ફિલ્મમાં વરુણ શર્માએ ચૂચાનું પાત્ર ભજવ્યું છે જે ભોલી પંજાબન સામે ચૂંટણી લડતો પણ જોવા મળે છે.
આવી છે શાહરુખ ખાનની ફિલ્મ જવાનની સ્ટોરી
આ ફિલ્મ એક પિતા અને પુત્રની સ્ટોરી છે. ફિલ્મમાં રાજકીય અને સામાજિક મુદ્દાઓને પણ ઉઠાવવામાં આવ્યા છે. ખાસ વાત એ છે કે આ ફિલ્મમાં મુખ્ય પાત્ર ભજવનાર શાહરૂખ ખાન તેમાં ઘણા રોલમાં જોવા મળે છે, જેણે ચાહકોનું દિલ જીતી લીધું છે.