Jhalak Dikhhla Jaa-10 : સેલિબ્રિટી ડાન્સ રિયાલિટી શો 'ઝલક દિખલા જા 10' તેના અંતિમ તબક્કામાં છે. શોની ટ્રોફી મેળવવા તમામ સ્પર્ધકો તનતોડ મહેનત કરી રહ્યા છે. સ્ટન્ટ્સ પર્ફોર્મ કરવાથી લઈને જબરદસ્ત ડાન્સ મૂવ્સ સુધી સ્પર્ધકો તેમના પરફોર્મન્સથી સ્ટેજ પર જાણે આગ લગાવી રહ્યા છે. શોના મજબુત કંટેસ્ટંમાથી રૂબીના દિલૈક એક છે. રૂબીનાએ અત્યાર સુધીના લગભગ તમામ ડાન્સને જોઈને જજ જ નહીં પણ ફેન્સ પણ આશ્ચર્યચકિત થઈ ગયા છે. આમ તો રબીના અદ્ભુત ડાન્સ કરી રહી છે, પરંતુ તાજેતરમાં જ તે ઉપ્સ મોમેન્ટનો શિકાર બની હતી.
રૂબના બની ઉફ્ફ મોમેન્ટનો શિકાર
ઝલક દિખલા જા...ના સ્ટેજ પર રૂબીના દિલૈક વોર્ડરોબ માલફંક્શનનો શિકાર બની હતી. રૂબીના પોતાના કોરિયોગ્રાફર પાર્ટનર સનમ જોહર સાથે સ્ટેજ પર શાનદાર પરફોર્મન્સ કરી રહી હતી. તેણે 'પ્યાર દો' અને 'આગ બઈ' પર શાનદાર ડાન્સ કર્યો હતો. જો કે આ દરમિયાન કંઈક એવું થયું જેના પર સૌકોઈની નજર ગઈ હતી. વાત એમ હતી કે, રૂબીના દિલૈકે ડાન્સ માટે એક ડ્રેસ સાથે કેપ પહેરી હતી, જે પરફોર્મન્સ દરમિયાન અચાનક ફાટી ગઈ હતી.
આ રીતે રૂબીના દિલૈકે મેનેજ કર્યું
રૂબીના દિલૈક સાથેની આ ઉપ્સ મોમેન્ટ જોઈને સ્પર્ધકો અને નિર્ણાયકો પણ આશ્ચર્યચકિત થઈ ગયા હતા. પરંતુ પ્રશંસનીય વાત એ હતી કે રૂબીના દિલૈક અને સનમે તેમનો ડાન્સ યથાવત જ રાખ્યો હતો. આ ઘટના વચ્ચે પણ ડાંસ અધવચ્ચે છોડવાના બદલે પૂરા ઉત્સાહ સાથે તેને પુરો કર્યો હતો. જજીસે પણ તેમના જુસ્સાની ભારોભાર પ્રશંસા કરી હતી. ઉલ્લેખનીય છે કે, આ અગાઉ નીતિ ટેલર પણ વોર્ડરોબ માલફંક્શનનો શિકાર બની હતી. ડાન્સ દરમિયાન તે પડી ગઈ હતી. જોકે તે સમયે કોઈ નોમિનેશન ન થયુ હોવાથી તે બચી ગઈ હતી.
'ઝલક દિખલા જા' 10 સ્પર્ધકો
નોરા ફતેહી, કરણ જોહર અને માધુરી દીક્ષિત દ્વારા જજ કરવામાં આવનાર 'ઝલક દિખલા જા 10'ની ફિનાલે ટૂંક સમયમાં આવી રહી છે. ગશમીર મહાજનીની ફિનાલેની ટિકિટ પાક્કી થઈ ગઈ છે. હવે નીતિ ટેલર, રૂબિના દિલૈક, નિયા શર્મા, ગુંજન, ફૈઝલ શેખ, નિશાંત ભટ્ટ અને શ્રુતિ ઝા ફાઇનલમાં પહોંચવા તનતોડ મહેનત કરી રહ્યાં છે.