કંગના હવે જયલલિતા જેવો લૂક અને હવા-ભાવ મેળવવા માટે કમર કસી રહી છે. આજે જયલલિતાનો જન્મ દિવસ છે, ફિલ્મ ‘થલાઇવી’માંથી કંગનાનો ફર્સ્ટ લૂક સામે આવ્યો હતો, પ્રૉસ્થેટિકની મદદથી કંગનાએ બધાને ચોંકાવી દીધા હતા. કેમકે તસવીરોમાં કંગના હુબહુ જયલલિતા જેવી લાગી રહી હતી. સોશ્યલ મીડિયા પર આ તસવીર હાલ ખુબ વાયરલ થઇ રહી છે.
કંગનાએ શેર કરેલી આ તસવીરમાં તે હુબહુ જયલલિતા જેવી લાગી રહી છે. સફેદ સાડી પહેરેલી છે, જેના પર લાલ અને કાળા રંગની પટ્ટીઓ છે. વાળમાં જુડો બનેલો છે, અને માથા પર લાલ ચાંદલો છે. સાથે મેચિંગ ઇયરરિંગ્સ પહેરેલી પણ છે.
ઉલ્લેખનીય છે કે, ફિલ્મ કંગનાની ફિલ્મ થલાઇવી ત્રણ ભાષાઓમાં આવશે, અને આગામી 26 એપ્રિલે રિલીઝ થવાની છે.