Katrina Kaif And Vicky Kaushal Wedding: હાલ બોલીવૂડની સૌથી ચર્ચિત જોડીમાંથી એક વિક્કી કૌશલ અને કેટરીના કૈફ પોતાના લગ્નને ચર્ચામાં છે. બંને ટૂંક સમયમાં લગ્નનના બંધનમાં બંધાશે, જેની ચાહકો ખૂબ રાહ જોઈ રહ્યા છે. મીડિયા રિપોર્ટ્સ મુજબ બંનેના લગ્ન રાજસ્થાનમાં ધામધૂમથી થશે. જેને લઈ તૈયારીઓ પહેલાથી જ ચાલી રહી છે. પરંતુ હવે સાંભળવામાં આવે છે બંને પોતાના લગ્નનું ગ્રાન્ડ રિસેપ્શન મુંબઈમાં આપવાના છે.
વાસ્તવમાં, કોવિડને કારણે, બોલિવૂડ ઇન્ડસ્ટ્રીના ઘણા સ્ટાર્સ જેઓ આ કપલના ગેસ્ટ લિસ્ટમાં છે તેઓ આ લગ્નમાં હાજરી આપવા માટે રાજસ્થાન આવી શકશે નહીં. જેના કારણે વિકી કૌશલ-કેટરિના કૈફે તેમના લગ્નનું રિસેપ્શન મુંબઈમાં રાખવાનું આયોજન કર્યું છે. સૂત્રોનું માનીએ તો આ રિસેપ્શનમાં આ કપલના કેટલાક મીડિયા મિત્રો પણ આવી શકે છે.
તમને જણાવી દઈએ કે આ કપલ આ ડિસેમ્બરમાં રાજસ્થાનમાં શાહી લગ્ન કરવા જઈ રહ્યું છે. આ કપલના લગ્ન પંજાબી સ્ટાઈલમાં થશે. જેમાં હલ્દી, મહેંદીની વિધિ સંપન્ન થશે. આ ખાસ લગ્નમાં ફિલ્મ ઈન્ડસ્ટ્રીમાંથી કેટલાક ખાસ મહેમાનોને પણ આમંત્રિત કરવામાં આવશે.
હાલમાં લગ્નની તૈયારીઓ જોરશોરથી ચાલી રહી છે. અહેવાલો અનુસાર, બંનેએ રાજસ્થાનના પિંક સિટીમાં સિક્સ સેન્સ ફોર્ટ બારવારામાં શાહી લગ્ન કરવાનું આયોજન કર્યું છે. વિકી અને કૅટ, જેઓ ટૂંક સમયમાં પરિણીત યુગલ બનવા જઈ રહ્યાં છે, તેઓએ સ્થળનું પ્રી-બુક કર્યું છે અને તેમના પોશાક પણ ફાઈનલ કર્યા છે.
એક રિપોર્ટ અનુસાર, દિવાળીના દિવસે પરિવારની હાજરીમાં વિકી અને કેટે(Vicky And Kat) ગુપ્ત રીતે ફિલ્મ મેકર કબીર ખાનના ઘરે રોકા કરી લીધા હતા.