KGF Chapter 2 Teaser: મોસ્ટ અવેટેડ ફિલ્મ 'KGF ચેપ્ટર 2'નું ટીઝર રિલીઝ કરી દેવામાં આવ્યું છે. ઉલ્લેખનીય છે કે ટીઝરને નક્કી કરવામાં આવેલી તારીખની એક દિવસ પહેલા જ રિલીઝ કરી દેવામાં આવ્યું છે. 'KGF ચેપ્ટર 2'નું ટીઝર સુપરસ્ટાર યશના જન્મદિવસ એટલે કે 8 જાન્યુઆરીના દિવસે રિલીઝ થવાનું હતું પરંતુ એ પહેલા જ રિલીઝ કરી દીધુ છે. ટીઝરને હોમબેલ ફિલ્મ્સ યૂટ્યૂબ ચેનલ પર રિલીઝ કરવામાં આવ્યું છે. રિલીઝ થતાની સાથે જ સોશિયલ મીડિયામાં વાયરલ થઈ રહ્યું છે.



ફિલ્મનું ડિરેક્શન પ્રશાંત નીલે કર્યું છે. પ્રોડક્શન વિજય કિરાગંદૂરે કર્યું છે. ફિલ્મમાં સંજય દત્ત અધીરાનો રોલ ભજવે છે. આ ઉપરાંત ફિલ્મમાં શ્રીનિધિ શેટ્ટી, પ્રકાશ રાજ, માલવિકા અવિનાશ પણ છે. ફિલ્મનું પ્રોડક્શન છેલ્લાં બે વર્ષથી ચાલી રહ્યું છે. આ ફિલ્મ પહેલાં ઓક્ટોબર, 2020માં રિલીઝ કરવાની હતી પરંતુ કોરોનાને કારણે કામ બંધ કરી દેવામાં આવ્યું હતું.

'KGF'નો પહેલો પાર્ટ 2018માં રિલીઝ થયો હતો. કન્નડ, તમિળ, તેલુગુ તથા હિંદીમાં આવેલી આ ફિલ્મે અનેક રેકોર્ડ બનાવ્યા હતા. આ પહેલી કન્નડ મૂવી હતી, જેણે 250 કરોડથી વધુની કમાણી કરી હતી.