મુંબઈ: કિઆરા અડવાણી અને સિદ્ધાર્થ મલ્હોત્રાએ જેસલમેરમાં લગ્ન કર્યા હતા. લગ્ન બાદ સ્ટાર કપલ પહેલીવાર એક કાર્યક્રમમાં સાથે જોવા મળ્યું હતું. કિઆરા અડવાણીએ અહીં પ્રથમ વખત સિદ્ધાર્થ સાથેના લગ્નને લઈ વાત કરી હતી. અભિનેત્રીએ જણાવ્યું કે લગ્નના સમયે તે શું અનુભવી રહી હતી. જ્યારે સિદ્ધાર્થે પણ કિઆરાને પત્ની કહીને ખૂબ ગર્વ મહેસૂસ કર્યો હતો. કિઆરા અડવાણીનો વીડિયો સોશિયલ મીડિયા પર વાયરલ થઈ રહ્યો છે. આ વીડિયોમાં કિઆરા સાડી પહેરીને સ્ટેજ પર લગ્ન અને પતિ સિદ્ધાર્થ વિશે વાત કરતી જોવા મળે છે. સોશિયલ મીડિયા પર વાયરલ થઈ રહેલા વીડિયોમાં કિઆરા અડવાણીને હોસ્ટ મનીષ પોલ લગ્નને લઈ પ્રશ્ન પૂછે છે. જેના પર નવી દુલ્હન કિઆરાએ કહ્યું, હું ખૂબ જ ઈમોશનલ હતી. પંરતુ જ્યારે દરવાજો ખુલ્લો અને મે સિદ્ધાર્થને જોયો તો મને અંદરથી અહેસાસ થયો. હા મારા લગ્ન થઈ રહ્યા છે. હું આ ફિલિંગ સાથે આગ જતી રહી. મારા લગ્ન તેની સાથે થઈ રહ્યા હતા જેને હું સૌથી વધુ પ્રેમ કરતી હતી.
એક્ટ્રેસ કિઆરા અડવાણીને સ્ટેજ પર સિદ્ધાર્થ ચિયર કરવા આવે છે. પત્નીને ગળે લગાવી તેની મદદ કરતા સીડીની નીચે ઉતારે છે. હવે સોશિયલ મીડિયા પર આ વીડિયો વાયરલ થઈ રહ્યો છે. આ કાર્યક્રમમાં કિઆરાને સ્ટાર ઓફ ધ યર તરીકે પસંદ કરવામાં આવી હતી. આ કાર્યક્રમમાં કરણ જોહર પણ જોવા મળ્યા હતા.
કિઆરા અડવાણી અને સિદ્ધાર્થ મલ્હોત્રાએ રાજસ્થાનમાં ફેબ્રુઆરી 2023માં લગ્ન કર્યા હતા. બંનેએ પ્રથમ રિસેપ્શન દિલ્હીમાં આપ્યું હતું. બાદમાં આ સ્ટાર કપલે મુંબઈમાં બોલિવૂડના લોકો માટે ભવ્ય રિસેપ્શનનું આયોજન કર્યું હતું. આ પાર્ટીમાં કરણ જોહર, વરુણ ધવન, નતાશા દલાલ, અજય દેવગન, કાજોલથી લઈને કરીના કપૂર, દિશા પટની અને શનાયા કપૂર સહિતના તમામ સ્ટાર્સ જોવા મળ્યા હતા.
વર્કફ્રન્ટની વાત કરીએ તો કિઆરા અડવાણી સાઉથ એક્ટર રામ ચરણ સાથે એક પ્રોજેક્ટ પર કામ કરી રહી છે. ફિલ્મનું નામ RC15 છે. RC15 એક પૈમ-ઈન્ડિયા ફિલ્મ હશે.