મુંબઇઃ શાહરૂખ ખાનની ફિલ્મ પઠાણ બોક્સ ઓફિસ પર શાનદાર કમાણી કરી રહી છે. પઠાણે બીજા દિવસે પણ કમાણીનો નવો રેકોર્ડ બનાવ્યો છે. કિંગ ખાનની ફિલ્મે બે દિવસમાં 100 કરોડનો આંકડો પાર કરી લીધો છે.
ભારતમાં પહેલા દિવસે 57 કરોડની બમ્પર ઓપનિંગ બાદ બીજા દિવસે પણ પઠાણનો ડંકો વાગી ગયો. પઠાણને પ્રજાસત્તાક દિવસની રજાનો ઘણો ફાયદો થયો છે. ટ્રેડ એનાલિસ્ટ રમેશ બાલાના જણાવ્યા અનુસાર, પઠાણના હિન્દી વર્ઝને બીજા દિવસે (ગુરુવારે) 70 કરોડનું કલેક્શન કર્યું છે. પઠાણની કમાણીનો આંકડો બે દિવસમાં 127 કરોડ થઈ ગયો છે. બીજા દિવસની કમાણીમાં પઠાણે KGF 2ને માત આપી છે. KGF 2 ના હિન્દી વર્ઝને બીજા દિવસે 47 કરોડની કમાણી કરી હતી.
એવો અંદાજ હતો કે પઠાણ બીજા દિવસે 60-65 કરોડ સુધીનું કલેક્શન કરશે. પરંતુ આ બધી અપેક્ષાઓથી આગળ વધીને પઠાણે સાબિત કરી દીધું છે કે તે અટકવાની નથી. ફિલ્મ પઠાણ દરરોજ ઈતિહાસ રચી રહી છે. રમેશ બાલાએ ટ્વિટ કર્યું કે પઠાણે વિશ્વભરમાં બોક્સ ઓફિસ પર 235 કરોડની કમાણી કરી છે.
પઠાણે ઘણા રેકોર્ડ તોડ્યા
માત્ર બે દિવસમાં પઠાણની આટલી જોરદાર કમાણી બતાવે છે કે ફિલ્મ બોક્સ ઓફિસ પર નવા રેકોર્ડ બનાવવા જઈ રહી છે. કિંગ ખાન માટે લોકોનો ક્રેઝ એવો છે કે સરહદ પારના પાકિસ્તાની સેલેબ્સ પઠાણ માટે ક્રેઝી લાગે છે. કાશ્મીરમાં છેલ્લા 32 વર્ષનો રેકોર્ડ તૂટી ગયો છે. ખીણના થિયેટરોને પણ ચાંદી મળી રહી છે. 32 વર્ષ પછી માત્ર કિંગ ખાનના કારણે જ કાશ્મીરમાં થિયેટરોની બહાર હાઉસફુલના બોર્ડ લગાવવામાં આવ્યા છે.
બોલિવૂડના મેગા સુપરસ્ટાર શાહરૂખ ખાનની ફિલ્મ 'પઠાણ'એ તેની રીલિઝ સાથે જ બોક્સ ઓફિસ પર ધમાલ મચાવી છે. કિંગ ખાનની ફિલ્મ 'પઠાણ'એ ઓપનિંગ ડે પર રેકોર્ડબ્રેક કમાણી કરીને બધાને ચોંકાવી દીધા છે. 'પઠાણ'એ રિલીઝના પહેલા દિવસે બોક્સ ઓફિસ કલેક્શનના મામલામાં સુપરસ્ટાર યશની બ્લોકબસ્ટર ફિલ્મ 'KGF ચેપ્ટર 2' (KGF 2)ને પાછળ છોડી દીધી છે. ફિલ્મ 'પઠાણ'ની રિલીઝ પહેલા રેકોર્ડબ્રેક એડવાન્સ બુકિંગ પહેલાથી જ અનુમાન લગાવવામાં આવી રહ્યું હતું કે શાહરૂખ ખાનની ફિલ્મ શરૂઆતના દિવસે બોક્સ ઓફિસ પર કરોડોની કમાણી કરશે. 'પઠાણ' પહેલા દિવસે દર્શકોની અપેક્ષાઓ પર ખરી ઉતરી છે.
દરમિયાન, પ્રખ્યાત ટ્રેડ એનાલિસ્ટ રમેશ બાલાએ 'પઠાણ'ની રિલીઝના પહેલા દિવસના બોક્સ ઓફિસ કલેક્શન વિશે માહિતી આપી છે. જે મુજબ શાહરૂખ ખાન સ્ટારર ફિલ્મ 'પઠાણ'એ ભારતમાં ઓપનિંગ ડે પર રેકોર્ડ બ્રેક 54 કરોડની કમાણી કરી છે. આ સાથે 'પઠાણે' યશની બ્લોકબસ્ટર ફિલ્મ 'KGF 2'ને પહેલા દિવસની કમાણીના મામલામાં પાછળ છોડી દીધી છે.બોલિવૂડ હંગામાના રિપોર્ટ અનુસાર, યશની 'KGF ચેપ્ટર 2' એ શરૂઆતના દિવસે 53.95 કરોડનું કલેક્શન કર્યું હતું.