First Diwali: બૉલીવુડમાં અત્યારે તમામ સેલેબ્સ અને સ્ટાર્સ પોતાની દિવાળી સેલિબ્રેશનની તસવીરો શેર કરી રહ્યાં છે. સુપરસ્ટાર ઋત્વિક રોશને પોતાની નવી નવેલી ગર્લફ્રેન્ડ સબા આઝાદ સાથે આ વખતે પહેલી વાર દિવાળીનુ સેલિબ્રેશન કર્યુ છે. આની તસવીર ખુદ સબા આઝાદે પોતાની સ્ટેટસ સ્ટૉર પર શેર કરી છે. ખરેખરમાં, સબા આઝાદે પોતાની ઇન્સ્ટાગ્રામ સ્ટેટસ સ્ટૉરી પર એક તસવીર લગાવી છે, જેમાં તે પોતાના બૉયફ્રેન્ડ ઋત્વિક રોશન સાથે દેખાઇ રહી છે. આ તસવીરમાં બન્નેને દિવાળીના પ્રસંગે સફેદ કપડાં પહેરીને દેખી શકાય છે. બન્નેઆ સેલ્ફી તસવીરમાં હંસી રહ્યાં છે અને ખુશી ખુશી તસવીર કેપ્ચર કરી રહ્યાં છે.
ઋત્વિકની 16 વર્ષ નાની ગર્લફ્રેન્ડ -
બોલીવૂડનો અભિનેતા અને 2014માં પત્ની સુઝાન સાથે છુટાછેડા લેનારા ઋત્વિક રોશનનું પોતાનાથી 16 વર્ષ નાની યુવતી સાથે અફેર ચાલી રહ્યું હોવાની ચર્ચા છે. ઋત્વિક રોશન શુક્રવારે રાતે મુંબઇની એક રેસ્ટોરાંની બહાર આ યુવતી સાથે જોવા મળ્યો હતો.
આ મિસ્ટ્રી ગર્લ એક્ટ્રેસ સબા આઝાદ છે, અને તે દિલ્હીની છે, સબા આઝાદ એક યુવા મ્યુઝિશિયન છે. તેણે નસીરુદ્દીન શાહના દીકરા ઇમાદ સાથે કામ કર્યું છે. 2013માં સબા અને ઈમાદ લિવ-ઈન રીલેશનમાં રહેતાં હતાં. 2008માં સબાએ રાહુલ બોઝ સાથે દિલ કબડ્ડી ફિલ્મમાં કામ કરીને ડેબ્યુ કર્યું હતું. સબા આઝાદ દિલ્હીમાં જેમની હત્યા થઈ હતી એ જાણીતા નાટ્યકાર સફદર હાશ્મીની ભત્રીજી છે. સબા 32 વર્ષની છે જ્યારે ઋત્વિક 48 વર્ષનો છે. એટલે કે ઋત્વિક હાલ પોતાનાથી 16 વર્ષ નાની એક્ટ્રેસના પ્રેમમાં પડ્યો છે.
ઋત્વિક 2000માં સુઝાન ખાન સાથે લગ્ન કર્યા હતા અને તે જ વર્ષે તેણે 'કહોના પ્યાર હૈ' ફિલ્મથી બોલીવુડમાં એન્ટ્રી કરી હતી. તેમને બે સંતાન રેહાન એન રેધાન છે. ડિવોર્સ પછી સુઝાન ખાન ટીવી એક્ટર અલી ગોનાની ભાઇ અર્સલાન ગોનીને ડેટ કરે છે.
વર્કફ્રેન્ટની વાત કરીએ તો, ઋત્વિક રોશનની તાજેતરમાં વિક્રમ વેધા ફિલ્મ રિલીઝ થઇ હતી, જે કંઇક ખાસ કમાલ નથી કરી શકી. હવે એક્ટરની આગામી ફિલ્મ ફાઇટર છે, જેમાં ઋત્વિક રોશન સ્ટાર એક્ટર અનિલ કપૂર અને દીપિકા પાદુકોણ સાથે દેખાશે.