Pushpa 2 The Rule Reloaded Postponed: અલ્લૂ અર્જૂનની ફિલ્મ પુષ્પા 2 રિલીઝ થયાને એક મહિનાથી વધુ સમય થઈ ગયો છે. 5 ડિસેમ્બરે રિલીઝ થયેલી આ ફિલ્મે બૉક્સ ઓફિસ પર ધમાલ મચાવી દીધી છે. આ ફિલ્મે જબરદસ્ત કલેક્શન કર્યું છે. તેણે વિશ્વભરમાં ૧૮૦૦ કરોડ રૂપિયાથી વધુની કમાણી કરી છે. તેણે ભારતીય બૉક્સ ઓફિસ પર ૧૨૦૦ કરોડ રૂપિયાથી વધુની કમાણી કરી છે. ફિલ્મ હજુ પણ ધીમે ધીમે કમાણી કરી રહી છે.
રીલૉડેડ વર્ઝન માટે કરવો પડશે ઇન્તજાર -
તાજેતરમાં, પુષ્પા 2 ના ચાહકો માટે સારા સમાચાર આવ્યા છે કે ફિલ્મમાં 20 મિનિટનો વધારાનો ભાગ ઉમેરવામાં આવશે. નિર્માતાઓએ પુષ્પા 2: ધ રૂલ રીલૉડેડની જાહેરાત કરી હતી. આ ફિલ્મ 20 મિનિટના વધારાના ફૂટેજ ઉમેર્યા પછી રિલીઝ થશે. રીલૉડેડ વર્ઝન ૧૧ જાન્યુઆરીએ રિલીઝ થવાનું હતું. પરંતુ હવે એવા અહેવાલો છે કે તેમાં વિલંબ થઈ રહ્યો છે. અલ્લૂ અર્જૂનના ચાહકોએ ફિલ્મના રીલૉડેડ વર્ઝન માટે થોડા વધુ દિવસો રાહ જોવી પડશે.
ક્યારે રિલીઝ થશે પુષ્પા 2 નું રીલૉડેડ વર્ઝન ?
પુષ્પા 2 ની ટીમે પોતે આ સમાચારની પુષ્ટિ કરી છે. તેમણે સોશિયલ મીડિયા પર પૉસ્ટ કર્યું કે ટેક્નિકલ સમસ્યાઓના કારણે ફિલ્મના રીલૉડેડ વર્ઝનમાં વિલંબ થઈ રહ્યો છે. પુષ્પા 2 રીલૉડેડ હવે 17 જાન્યુઆરીએ રિલીઝ થશે.
પુષ્પા 2 ની વાત કરીએ તો, આ ફિલ્મ સુકુમાર દ્વારા બનાવવામાં આવી છે. ફિલ્મમાં અલ્લૂ અર્જૂનના પાત્રનું નામ પુષ્પા રાજ છે. ફિલ્મમાં બતાવવામાં આવ્યું હતું કે તેની પત્નીની એક માંગણી પૂરી કરવા માટે તે કંઈક એવું કરે છે જેની તમે કલ્પના પણ નહીં કરી હોય. ફિલ્મમાં લાગણીઓ, એક્શન, રોમાન્સ, બધું જ ભરપૂર માત્રામાં જોવા મળશે. ફિલ્મનો ત્રીજો ભાગ પણ ટૂંક સમયમાં રિલીઝ થશે.
આ ફિલ્મમાં ફહાદ ફાસિલ પણ મહત્વપૂર્ણ ભૂમિકામાં છે. તેમનો અભિનય ચાહકોને ખૂબ ગમ્યો. અભિનેત્રી રશ્મિકા મંદાના અલ્લૂ અર્જુનની પત્ની શ્રીવલ્લીની ભૂમિકા ભજવી રહી છે.
આ પણ વાંચો
ટિકીટ લઇને પુષ્પા-2 જોવા ગયેલા લોકોને બતાવી દેવાઇ Baby John, રાજસ્થાનના થિયેટરમાં ફેન્સનો હોબાળો