Pushpa 2 Worldwide Collection Day 1: અલ્લુ અર્જુનની ફિલ્મ પુષ્પા 2ની વર્લ્ડવાઈડ કમાણી સાથે સંબંધિત સત્તાવાર આંકડાઓ સામે આવ્યા છે. આ ફિલ્મે ભારતમાં પ્રથમ દિવસે સૌથી વધુ ઓપનિંગ મેળવનારી ફિલ્મોની યાદીમાં ન માત્ર નંબર વનનું સ્થાન હાંસલ કર્યું હતું, પરંતુ સમગ્ર વિશ્વમાં ધૂમ મચાવી હતી.
પુષ્પા 2 એ પ્રથમ દિવસે વિશ્વભરમાં 294 કરોડ રૂપિયાની કમાણી કરીને ઇતિહાસ રચ્યો છે. ફિલ્મના નિર્માતાઓએ તેમના સોશિયલ મીડિયા હેન્ડલ પર ફિલ્મની આ સિદ્ધિ અંગે એક પોસ્ટ પોસ્ટ કરી છે.
પોસ્ટમાં શું છે ?
પોસ્ટના કેપ્શનમાં લખ્યું છે, "પુષ્પા 2 એ પ્રથમ દિવસે 294 કરોડ રૂપિયાની વર્લ્ડવાઈડ કમાણી કરી છે અને ભારતીય સિનેમાની સૌથી વધુ ઓપનિંગ ડે કલેક્શન સાથેની ફિલ્મ બની છે."
સ્વાભાવિક રીતે જ આ ફિલ્મ બોક્સ ઓફિસ પર ઇતિહાસ સર્જનારી સૌથી મોટી ફિલ્મ બની ગઈ છે. દર્શકો તરફથી આ ફિલ્મને ખૂબ જ પસંદ કરવામાં આવી રહી છે. ફિલ્મ રિલીઝ થઈ હતી એ પહેલા જ અનુમાન લગાવવામાં આવી રહ્યું હતું કે અલ્લૂ અર્જૂનની ફિલ્મ પુષ્પા 2 બોક્સ ઓફિસ પર તમામ રેકોર્ડ તોડશે.
આ ફિલ્મે પહેલા જ દિવસે એક પછી એક દેશના મોટા સ્ટાર્સની ફિલ્મોના રેકોર્ડ તોડી નાખ્યા છે. Sacknilk અનુસાર, ફિલ્મે હિન્દી, તમિલ, તેલુગુ, કન્નડ અને મલયાલમમાં સંયુક્ત રીતે પ્રથમ દિવસે 168.3 કરોડ રૂપિયાની કમાણી કરી હતી.
પુષ્પા 2
વર્ષ 2021 માં આવેલી પુષ્પાના સેકેન્ડ પાર્ટ સાથે દિગ્દર્શક સુકુમાર અને અભિનેતા અલ્લુ અર્જુનની જોડી ફરી એકવાર થિયેટરોમાં પાછી આવી છે. પાછા ફરતાની સાથે જ ફિલ્મે બ્લોકબસ્ટરનું બિરુદ મેળવી લીધું. ફહદ ફૈસીલ અને રશ્મિકા મંદન્નાએ પણ ફિલ્મમાં પોતાની અભિનય કુશળતા બતાવી છે. આ વખતે અલ્લુના પાત્રને વધુ પાવર અને સ્વેગ સાથે રજૂ કરવામાં આવ્યું છે, જે લોકોને પસંદ આવી રહ્યું છે.
સુકુમાર દ્વારા દિગ્દર્શિત, 'પુષ્પા 2'માં અલ્લુ અર્જુન, રશ્મિકા મંદન્ના અને ફહદ ફાસિલ મુખ્ય ભૂમિકામાં છે. આ ફિલ્મમાં અનસૂયા ભારદ્વાજ, સુનીલ, જગપતિ બાબુ, રાવ રમેશ અને જગદીશ પ્રતાપ બંડારી પણ છે. અભિનેત્રી શ્રીલીલાએ ફિલ્મ 'પુષ્પા 2'માં કેમિયો રોલ કર્યો હતો.