સલમાન પોતાના ફાર્મ હાઇસમાં હાલ ખેતી કરીને પણ સમય વિતાવી રહ્યો છે. તાજેતરમાં જ સલમાને પોતાની એક તસવીર શેર કરી જેના કારણે લોકોએ તેને ટ્રૉલ કરવાનુ શરૂ કરી દીધુ હતુ.
આ તસવીરમાં સલમાન ખાન કીચડથી લથપથ થઇને બેઠો છે, આ તસવીરને સોશ્યલ મીડિયા પર શેર કરતા સલમાન ખાને લખ્યું- બધા ખેડૂતોનુ સન્માન કરો. સલમાનની આ તસવીરને લોકોએ મજાક બનાવી દીધી હતી.
એક યૂઝરે લખ્યું- જો તમે ધ્યાનથી જોશો તો તેના ખભા પર માટી લાગેલી છે, જ્યારે તેના હાથ પર માટી નથી. એનો અર્થ એ થયો કે બીજા કોઇએ ખભા પર માટી લગાડી છે.
વળી, એક બીજા યૂઝરે લખ્યું- કયો ખેડૂત ખેતરમાં બેસીને આવા ફોટોશૂટ કરાવે છે. એક અન્ય યૂઝરે લખ્યું- મે ઘણાબધા ખેડૂતો જોયા છે, પણ આજ સુધી કોઇના મોં પર કીચડ નથી લાગ્યો હોતો. એક યૂઝરે લખ્યુ- લાગી રહ્યું છે કે માટી લગાવી છે બસ ફોટા માટે.
નોંધનીય છે કે, થોડાક દિવસ પહેલા પણ સલમાન ખાને એક તસવીર શેર કરી હતી, તે પણ ખેતરમાં રોપાનુ કામ કરતો હતો.