Happy Birthday Salman Khan: બોલિવૂડના દબંગ એક્ટર સલમાન ખાન 57 વર્ષનો થઈ ગયો છે . અભિનેતાનું ફિલ્મી કરિયર જેટલું ચર્ચામાં હતું એટલું જ તેની અંગત જિંદગી પણ લાઈમલાઈટમાં હતી. સલમાન ખાન આ ઉંમરે પણ બેચલર છે પરંતુ તેનું દિલ ઘણી સુંદરીઓ માટે ધબક્યું છે. સલમાનનું નામ તમામ અભિનેત્રીઓ સાથે જોડાયું હતું પરંતુ તેની જોડી કોઈની સાથે ન બની શકી. બહુ ઓછા લોકો જાણતા હશે કે એક્ટર જુહી ચાવાલા સાથે પણ એકતરફી પ્રેમમાં હતો અને એટલું જ નહીં તે તેની સાથે લગ્ન કરવા તેના ઘરે પણ પહોંચી ગયો હતો.
સલમાન જુહી ચાવલા સાથે લગ્ન કરવા માંગતો હતો
સલમાન ખાને એક ઇન્ટરવ્યુ દરમિયાન કબૂલ્યું હતું કે તે જુહી ચાવલાને ખૂબ પસંદ કરતો હતો અને તેની સાથે લગ્ન કરવા માંગતો હતો. સલમાન લગ્નનો પ્રસ્તાવ લઈને જુહીના ઘરે પહોંચ્યો હતો. પરંતુઅભિનેત્રીના પિતાએ આ લગ્ન માટે સ્પષ્ટ ના પાડી દીધી અને ભાઈજાનનું દિલ તૂટી ગયું. આ પછી પણ સલમાનના જીવનમાં ઘણી અભિનેત્રીઓએ પ્રવેશ કર્યો હોવાના અહેવાલો સામે આવતા રહે છે. અહીં જુહી ચાવલાએ વર્ષ 1995માં જય મહેતા સાથે લગ્ન કર્યા હતા. સલમાનનું આ રહસ્ય બહુ ઓછા લોકો જાણતા હતા, પરંતુ જ્યારે તેણે ઈન્ટરવ્યુ દરમિયાન આ વાતનો ખુલાસો કર્યો તો બધા ચોંકી ગયા.
સલમાન-જુહીની જોડી ફિલ્મી પડદા પર બની શકી નથી
તમને જણાવી દઈએ કે જુહી ચાવલાએ બોલિવૂડના તમામ મોટા કલાકારો સાથે ફિલ્મો કરી છે, પછી ભલે તે આમિર ખાન હોય, શાહરૂખ ખાન હોય, અજય દેવગન હોય, પરંતુ સલમાન ખાન સાથે તેની જોડી ક્યારેય ફિલ્મી પડદે બની શકી ન હતી. જો કે આ માત્ર સંયોગ ના હતો પરંતુ તે બંને એકબીજા સાથે કામ કરવા માંગતા નહોતા.
આજે સલમાન ખાનનો જન્મદિવસ
સલમાન ખાન 57 વર્ષની ઉંમરે પણ બોલિવૂડમાં સંપૂર્ણ રીતે સક્રિય છે. તેની ફિટનેસ જોઈને કોઈ તેની ઉંમરનો અંદાજો લગાવી શકતું નથી. તે ટૂંક સમયમાં તેની આગામી ફિલ્મ 'કિસી કા ભાઈ કિસી કી જાન'માં મુખ્ય ભૂમિકામાં જોવા મળશે. આ સિવાય તેની ટાઈગર સિરીઝ પણ ટૂંક સમયમાં રિલીઝ થવા જઈ રહી છે.