Sidharth Kiara Wedding Live: પરિવાર સાથે દિલ્હી એરપોર્ટ પર ક્લિક થયો સિદ્ધાર્થ મલ્હોત્રા, કાલે કિયારા સાથે થશે લગ્ન

બોલિવૂડ એક્ટ્રેસ કિયારા અડવાણી અને સિદ્ધાર્થ મલ્હોત્રા 6 ફેબ્રુઆરીએ જેસલમેરના સૂર્યગઢ પેલેસમાં લગ્ન કરવા જઈ રહ્યા છે

બ્રેકગ્રાઉન્ડ

Kiara Advani Sidharth Malhotra Wedding: બોલિવૂડ એક્ટ્રેસ  કિયારા અડવાણી અને સિદ્ધાર્થ મલ્હોત્રા 6 ફેબ્રુઆરીએ જેસલમેરના સૂર્યગઢ પેલેસમાં લગ્ન કરવા જઈ રહ્યા છે. બંનેના પરિવારજનોએ લગ્નની સંપૂર્ણ તૈયારીઓ કરી લીધી છે. પરંતુ ઈ ટાઈમ્સના લેટેસ્ટ રિપોર્ટમાં જણાવવામાં આવ્યું છે કે 7 ફેબ્રુઆરીએ સિદ્ધાર્થ અને કિયારા રાજસ્થાનના જેસલમેરમાં લગ્નના બંધનમાં બંધાશે. જો રિપોર્ટ્સનું માનીએ તો બંનેના પરિવારજનો જેસલમેર પહોંચી ગયા છે અને પ્રી-વેડિંગ ફંક્શન આજથી જ શરૂ થશે.રિપોર્ટ્સ અનુસાર, લગ્નની તૈયારીઓ થઈ ગઈ છે. સિદ્ધાર્થ -કિયારાએ તેમના લગ્નને ખૂબ જ સિક્રેટ રાખવાની યોજના બનાવી છે અને માત્ર કેટલાક ખાસ મિત્રો અને પરિવારના સભ્યો વચ્ચે જ લગ્ન કરવાનું નક્કી કર્યું છે. તેમના લગ્નમાં ફક્ત પરિવાર અને કેટલાક ખાસ મિત્રો જ તેમાં સામેલ થશે. તેઓ 6 ફેબ્રુઆરીએ તેમના પરિવારના સભ્યો અને નજીકના મિત્રોની હાજરીમાં લગ્ન કરશે.અગાઉ રિપોર્ટ આવ્યા હતા કે કિયારાએ તેના કબીર સિંહ કો-સ્ટાર શાહિદ કપૂર અને તેની પત્ની મીરા રાજપૂતને આમંત્રણ આપ્યું છે. બંને લગ્નમા સામેલ થાય તેવી આશા છે. કરણ જોહર, મનીષ મલ્હોત્રા, વરુણ ધવન અને અશ્વિની યાર્દી જેવા અન્ય લોકોને પણ લગ્નમાં આમંત્રણ આપવામાં આવ્યું છે. અહેવાલો એવો પણ દાવો કરે છે કે કિયારાની શ્રેષ્ઠ મિત્ર ઈશા અંબાણી, જેમણે તાજેતરમાં જ તેના જોડિયા બાળકોને જન્મ આપ્યો છે, તે સમારોહમાં ભાગ લઈ શકે છે.

04/02/2023 18:13:13

સિદ્ધાર્થ મલ્હોત્રા અને કિયારા અડવાણી બે રિસેપ્શન હોસ્ટ કરશે

રાજસ્થાનમાં ભવ્ય લગ્ન પ્રસંગ પછી 'શેરશાહ' દંપતી પ્રથમ રિસેપ્શન હોસ્ટ કરવા માટે દિલ્હી જશે, ત્યારબાદ સિદ્ધાર્થ અને કિયારા તેમના બોલિવૂડ મિત્રો માટે મુંબઈમાં બીજું રિસેપ્શન પ્લાન કરશે.

04/02/2023 18:07:11

સિદ્ધાર્થ એરપોર્ટ જવા રવાના થયો

કિયારા બાદ હવે સિદ્ધાર્થ મલ્હોત્રા પણ લગ્ન માટે જેસલમેર જવાની તૈયારી કરી રહ્યો છે. સિદ્ધાર્થ મલ્હોત્રા તેના દિલ્હીના ઘરેથી એરપોર્ટ જવા નીકળ્યો હતો. આ દરમિયાન તેનો ભાઈ અને માતા પણ જોવા મળ્યા હતા.

04/02/2023 18:06:10

કિયારા અડવાણી સૂર્યગઢ પેલેસ પહોંચી હતી

કિયારા અડવાણી પોતાના પરિવાર સાથે સૂર્યગઢ પેલેસ પહોંચી છે. કિયારાના લગ્નના ફંક્શન આજે સાંજથી જ શરૂ થવા જઈ રહ્યા છે. જેમાં અભિનેત્રીના નજીકના મિત્રો સામેલ થશે. કિયારા અને સિદ્ધાર્થ ડેસ્ટિનેશન વેડિંગ કરી રહ્યા છે અને તેમના ખાસ દિવસ માટે રાજસ્થાનના જેસલમેરમાં સૂર્યગઢ પેલેસ પસંદ કર્યો છે.

04/02/2023 18:05:46

કિયારા મનીષ મલ્હોત્રા સાથે જેસલમેર પહોંચી હતી

કિયારા અડવાણીના લગ્નની વિધિઓ આજે સાંજથી શરૂ થવા જઈ રહી છે અને અભિનેત્રી જેસલમેર પહોંચી ગઈ છે. કિયારા જેસલમેર એરપોર્ટ પર ફેશન ડિઝાઇનર મનીષ મલ્હોત્રા સાથે જોવા મળી હતી.

04/02/2023 18:05:05

નો ફોન પોલિસી

અહેવાલો અનુસાર, કપલે હોટલના તમામ મહેમાનો અને સ્ટાફને વિનંતી કરી છે કે તેઓ લગ્નના કોઈપણ ફોટા અને વીડિયો પોસ્ટ ન કરે. તેમણે આયોજકોને તેમની માંગણીઓનું કડક પાલન કરવા જણાવ્યું છે. અહેવાલ મુજબ, સિદ અને કિયારાએ તેમના મહેમાનો અને અન્ય લોકોને કોઈપણ ફોટા અથવા વિડિયો પોસ્ટ કરવાથી દૂર રહેવા કહ્યું છે.

04/02/2023 18:04:26

ગેસ્ટ લિસ્ટમાં ઘણા સ્ટાર્સ સામેલ છે

આ સ્ટાર કપલ લગ્નમાં માત્ર અમુક જ મહેમાનોને આમંત્રિત કરી રહ્યું છે અને તેમના લગ્નને સિક્રેટ રાખવા માંગે છે. અહેવાલો અનુસાર, તેમના પરિવાર સિવાય, ઇન્ડસ્ટ્રીના ઘણા મિત્રો પણ લગ્નમાં હાજરી આપશે. કિયારાના લગ્નમા રામ ચરણ, શાહિદ કપૂર અને તેની પત્ની મીરા રાજપૂત  સામેલ થશે

04/02/2023 18:03:26

કિયારા અડવાણી લગ્ન માટે જેસલમેર જવા રવાના થઈ હતી

કિયારા અડવાણીના લગ્નની તૈયારીઓ પૂરજોશમાં ચાલી રહી છે અને આજે અભિનેત્રી લગ્ન માટે જેસલમેર જવા રવાના થઈ ગઈ છે. કિયારા તેના પરિવાર સાથે કાલીના એરપોર્ટ પર જોવા મળી હતી. આ દરમિયાન અભિનેત્રી સફેદ જમ્પસૂટમાં જોવા મળી હતી જેની સાથે તેણે ગુલાબી રંગની શાલ ઓઢી હતી.