Sidharth Malhotra Kiara Advani Wedding Live: સિદ્ધાર્થ મલ્હોત્રા (Sidharth Malhotra) અને કિયારા અડવાણીની (Kiara Advani) પ્રી-વેડિંગ સેરેમની 5 અને 6 ફેબ્રુઆરીએ છે. રવિવારે મોડી સાંજ સુધીમાં મોટાભાગના મહેમાનો જેસલમેર પહોંચી ગયા છે. ત્યારે કિયારા અને સિદ્ધાર્થના સંગીત સમારોહની તૈયારીઓ પૂરજોશમાં ચાલી રહી છે. લગ્ન સ્થળ પરથી અલગ અલગ વીડિયો સામે આવી રહ્યા છે. જો કે હાલમાં જ એક વીડિયો સામે આવ્યો છે જેમાં પ્રી-વેડિંગ સેરેમનીની થીમ રેડ કલર હોય તેવું સ્પષ્ટપણે જોવા મળી રહ્યું છે. વીડિયોમાં મોટા મોટા ઝુંમર જોવા મળી રહ્યા છે સાથે જ સંગીત સેરેમની માટે મહેફિલ તૈયાર કરવામાં આવી રહી છે. સોફાથી લઈને ખુરશીઓ સુધીનો કલર લાલ રાખવામાં આવ્યો છે. શાહિદ કપૂરે કહ્યું કે તે 'ડોલા રે ડોલા' પર પરફોર્મ કરશે. જો તમે બોલિવૂડના છેલ્લા કેટલાક લગ્નો પર નજર કરીએ તો ત્યાં ફોન લઈને જવા પર પ્રતિબંધ રાખવામાં આવ્યો હતો. પરંતુ કિયારા-સિદ્ધાર્થના લગ્નમાં કોઈ ફોન પોલિસી નથી. આવી સ્થિતિમાં તેમના લગ્ન સ્થળ પરથી ઘણા વીડિયો સામે આવી રહ્યા છે.
સિદ્ધાર્થ- કિયારાના લગ્ન 7 ફેબ્રુઆરીએ કરશે
અત્યાર સુધી કપલના(Sidharth Kiara) લગ્નની તારીખ 6 ફેબ્રુઆરી સામે આવી હતી. જો કે હવે એવા અહેવાલ છે કે લગ્ન એક દિવસ બાદ એટલે કે 7 ફેબ્રુઆરીએ થશે. નવી માહિતી અનુસાર જેસલમેરના સૂર્યગઢ પેલેસમાં મંગળવારે સાત ફેરા લીધા પછી તે જ દિવસે કપલ એક ભવ્ય રિસેપ્શન પાર્ટીનું આયોજન કરશે. આ સાથે એ પણ પુષ્ટિ કરવામાં આવી છે કે તેમના લગ્નમાં ફોન લઈ જવા પર કોઈ પ્રતિબંધ નથી.
આજે હલ્દી અને સંગીત
આજ રોજ હલ્દી અને સંગીતનો કાર્યક્રમ રાખવામાં આવ્યો છે. સિદ્ધાર્થ, કિયારા(Sidharth Kiara Marriage) ઉપરાંત બોલિવૂડના તેમના મિત્રો અને પરિવારના સભ્યો પણ સંગીતમાં પરફોર્મ કરશે. અત્યાર સુધી પહોંચેલા મહેમાનોમાં મનીષ મલ્હોત્રા, શાહિદ અને મીરા કપૂર, કરણ જોહરનો સમાવેશ થાય છે. આ સાથે કિયારાની બાળપણની મિત્ર અને અંબાણી પરિવારની ઈશા અંબાણી પણ પહોંચી ગઈ છે.