Sonam Kapoor Molest: બોલિવૂડ અભિનેત્રી સોનમ કપૂર ઈન્ડસ્ટ્રીની સૌથી સ્ટાઇલિશ અભિનેત્રીઓમાંની એક છે. અનિલ કપૂરની દીકરી ખૂબ જ વૈભવી જીવન જીવે છે. પરંતુ શું તમે જાણો છો કે સોનમ કપૂર પણ યૌન શોષણનો શિકાર બની છે. અભિનેત્રીએ પોતે જ ખુલાસો કર્યો હતો કે જ્યારે તે 13 વર્ષની હતી ત્યારે તેનું યૌન શોષણ થયું હતું. આ ઘટનાથી અભિનેત્રી ગભરાઈ ગઈ હતી.અભિનેત્રીને લાગ્યું કે તેની સાથે કંઈક ખોટું થયું છે, તેથી તેણે આ વિશે કોઈને કહ્યું પણ નહીં.
'તે મારા માટે આઘાત હતો...'
રાજીવ મસંદના શોમાં અભિનેત્રીએ આખી ઘટના વિશે જણાવ્યું હતું કે તે દિવસે તેની સાથે શું થયું હતું. અભિનેત્રીએ કહ્યું, 'દરેક વ્યક્તિ બાળપણમાં કોઈને કોઈ સમયે જાતીય શોષણનો શિકાર બને છે. હું જાણું છું કે મારા બાળપણમાં મારી પણ છેડતી થઈ હતી અને તે મારા માટે બહુ મોટો આઘાત હતો. લગભગ બે-ત્રણ વર્ષ સુધી મેં આ વિશે કોઈને કહ્યું ન હતું. મને આજ સુધી એ ઘટના સંપૂર્ણપણે યાદ છે.
13 વર્ષની ઉંમરે થઈ હતી છેડતી
અભિનેત્રીએ જણાવ્યું કે, 'આ ઘટના મુંબઈના ગેઈટી ગેલેક્સી થિયેટરની છે જ્યાં તે તેના મિત્રો સાથે ફિલ્મ જોવા ગઈ હતી. બધા લોકો ખાવાની વસ્તુઓ ખરીદવા બહાર આવ્યા હતા ત્યારે પાછળથી એક માણસ આવ્યો અને મારા બ્રેસ્ટને દબાવ્યા હતા. તે સમયે હું ખૂબ નાની હતી. તેથી માંરૂ ફિગર નહોતું. તો પણ તેણે આવી હરકત કરી. પણ જ્યારે મારી સાથે આવું થયું ત્યારે હું રીતસર ધ્રૂજવા લાગી હતી. મને સમજાયું નહીં કે શું થઈ રહ્યું છે અને હું ત્યાં જ રડવા લાગી હતી. પરંતુ મેં તેના વિશે કોઈની સાથે વાત કરી નથી. મેં અંદર બેસીને આખી ફિલ્મ જોઈ કારણ કે તે સમયે મને લાગ્યું કે મારાથી કોઈ ભૂલ થઈ ગઈ છે. તમને જણાવી દઈએ કે આ દિવસોમાં સોનમ ફિલ્મોમાં બહુ એક્ટિવ નથી અને માતૃત્વનો સમય માણી રહી છે.