Sunny Deol Juhu Bungalow: બૉક્સ ઓફિસ પર અત્યારે સની દેઓલની ગદર-2 ધમાલ મચાવી રહી છે, સતત કમાણીના નવા રેકોર્ડ બનાવી રહી છે. ત્યારે આ બધાની વચ્ચે ગદર-2ના બંગલાની હરાજીના સમાચારે જોર પકડ્યુ છે, જોકે, હવે આ મામલે મોટુ અપડેટ સામે આવ્યુ છે. બેન્ક ઓફ બરોડા સની દેઓલના બંગલાની હરાજી નહીં કરે. બેન્કે નોટિસ પાછી ખેંચી લીધી છે. જાહેર ક્ષેત્રની બેન્કે આજે એક નિવેદનમાં કહ્યું કે તેને અભિનેતા અને ભાજપના સાંસદ સની દેઓલના મુંબઈમાં જુહુ બંગલાની હરાજીની નોટિસ પાછી ખેંચી લીધી છે.
ઉલ્લેખનીય છે કે, લૉન ના ચૂકવવાને કારણે બેન્કે રવિવારે અજયસિંહ દેઓલ ઉર્ફે સની દેઓલના નામે બંગલાની હરાજી કરવા માટે અખબારમાં નોટિસ આપી હતી. બેન્કે કહ્યું હતું કે તેની હરાજી 25 સપ્ટેમ્બરે કરવામાં આવશે. સની દેઓલ પર બેન્કનું લગભગ 56 કરોડ રૂપિયાનું દેવું છે.
ગુરદાસપુરના સાંસદ ડિસેમ્બરથી અત્યાર સુધી બેન્ક ઓફ બરોડામાંથી 55.99 કરોડ રૂપિયાની ચૂકવણી કરી શક્યો નથી. બેન્કે આ વસૂલી માટે હરાજીની નોટિસ આપવામાં આવી હતી. આ હરાજીની મૂળ કિંમત 51.43 કરોડ રૂપિયા રાખવામાં આવી છે.
સની દેઓલનો આ બંગલો 599.44 ચોરસ મીટરમાં ફેલાયેલો છે, જેમાં સની વિલા અને સની સાઉન્ડ્સ છે. તેની હરાજી કરવાની પણ તૈયારી હતી. સની સાઉન્ડ્સ દેઓલની માલિકીની કંપની છે. આ માટે સની દેઓલે બેન્કમાંથી લૉન લીધી હતી અને સની દેઓલના પિતા ધર્મેન્દ્રને ગેરન્ટર બનાવ્યા હતા.
બંગલામાં કઇ કઇ ખાસિયતો છે -
સની દેઓલના આ બંગલામાં પાર્કિંગથી લઈને પૂલ, મૂવી થિયેટર, હેલિપેડ એરિયા, ગાર્ડન બધું જ છે. આ ઉપરાંત તમામ લક્ઝરી સુવિધાઓ ઉપલબ્ધ છે. આ બંગલો જોવામાં એકદમ લક્ઝૂરિયસ છે અને તેની આસપાસ કુદરતી સૌંદર્ય છે.
સની દેઓલની નેટવર્થ -
કેટલાક મીડિયા રિપોર્ટ્સ અનુસાર, અભિનેતાની કુલ સંપત્તિ 120 કરોડ રૂપિયા છે અને તે દરેક ફિલ્મ માટે 5 થી 6 કરોડ રૂપિયા લે છે. જોકે તેને ગદર-2 ફિલ્મ માટે 20 કરોડ રૂપિયા ફી લીધી છે.