Parineeti Chopra Instagram Video: બૉલીવુડની સૌથી દમદાર એક્ટ્રેસમાં ગણાતી પરિણીતી ચોપડા (Parineeti Chopra)ની નવી તસવીરો સામે આવી છે, જેમા તેનો અલગ લૂક જોવા મળી રહ્યો છે. ફિલ્મ હંસી તો ફંસી, ઇશ્કજાદે અને ગોલમાન રિટર્ન્સમાં પોતાની શાનદાર એક્ટિંગથી લોકોના દિલ જીતનારી પરિણીતી ચોપડા હવે નવા કેરેક્ટર સાથે સામે આવી છે. તે હવે એક્ટિંગ છોડીને ડાયરેક્ટર તરીકે કામ કરતી દેખાઇ રહી છે. સોશ્યલ મીડિયા પર સામે આવેલા એક વીડિયોથી અંદાજ લગાવી શકાય છે કે, તેનો અંદાજ કેવો છે.
એક્ટ્રેસ એક ડાયરેક્ટર તરીકે કામ કરતી દેખાઇ રહી છે. પરિણીતી ચોપડાની આગામી ફિલ્મ કૉડ નેમ તિરંગા (Code Name Tiranga) છે. આ ફિલ્મમાં પરિણીતી ચોપડાની સાથે પંજાબી સિંગર અને એક્ટર હાર્ડી સંધૂ પણ લીડ રૉલમાં દેખાશે. કૉડ નેમ તિરંગાના ટ્રેલરમાં પરિણીતી ચોપડાની ભરપૂર એક્શન જોવા મળી રહી છે. દરેક લોકો એક્ટ્રેસના એક્શન સીનના વખાણ કરી રહ્યાં છે. પરંતુ હવે એક્ટિંગ છોડીને ડાયરેક્શનક્ષેત્રમાં પણ એક્ટ્રેસ પરિણીતી ચોપડાએ હાથ અજમાવ્યો છે, પરંતુ આમાં થોડુ ટ્વીસ્ટ છે.
ખરેખરમાં, સોમવારે પરિણીતી ચોપડાએ પોતાના ઓફિશિયલ ઇન્સ્ટાગ્રામ એકાઉન્ટ પર એક વીડિયો શેર કર્યો છે, આ વીડિયોમાં પરિણીતી ચોપડા ફિલ્મ કૉડ નેમ તિરંગાના સેટ પર એક ડાયરેક્ટર તરીકે કામ કરતી દેખાઇ હતી. ચહેરા પર ઘાના નિશાન કરીને પરિણીતી ચોપડાનો આ લૂક અને નવો અવતાર ફેન્સને ખુબ પસંદ આવી રહ્યો છે.