17 ડિસેમ્બરે રિલીઝ થયેલી 'પુષ્પા'એ થિયેટરોમાં આવતાની સાથે જ હંગામો મચાવ્યો હતો. રણવીર સિંહ અને દીપિકા પાદુકોણ સ્ટારર ફિલ્મ 83 રિલીઝ થઈ હતી, તે સમયે એવું લાગી રહ્યું હતું કે મોટા બજેટની બોલિવૂડ ફિલ્મના આગમનથી આ સાઉથ ફિલ્મની બોક્સ ઓફિસની કમાણીને ચોક્કસ  અસર થશે પરંતુ તેનાથી વિપરિત થયું


 


સાઉથ સુપરસ્ટાર અલ્લુ અર્જુન સ્ટારર ફિલ્મ 'પુષ્પા'ને દર્શકોનો જબરદસ્ત પ્રતિસાદ મળી રહ્યો છે. 25 દિવસમાં આ ફિલ્મે હિન્દી બેલ્ટમાં 100 કરોડ રૂપિયાની કમાણી કરી લીધી છે. અર્જુનની આ ફિલ્મ દરેક ભાષાના દર્શકોને પસંદ આવી રહી છે. રિપોર્ટ્સ અનુસાર, ફિલ્મની વર્લ્ડવાઈડ કમાણી અત્યાર સુધીમાં 326 કરોડ રૂપિયા થઈ ગઈ છે, 14 જાન્યુઆરીથી અલ્લુ અર્જુનની પુષ્પા અમેઝ પણ પ્રાઇમ વીડિયો પર સ્ટ્રીમ થવા જઈ રહી છે. જે લોકો થિયેટરોમાં ફિલ્મ જોઈ શકતા નથી, ખાસ કરીને એવા લોકો 'પુષ્પા' ઓનલાઈન જોઈ શકશે. આ ફિલ્મ એમેઝોન પર 5 ભાષાઓમાં પણ જોઈ શકાશે - હિન્દી, તમિલ, તેલુગુ, મલયાલમ અને કન્નડ સિવાય, અનુમાન લગાવવામાં આવી રહ્યું છે કે આ ફિલ્મ OTT પર પણ નવો રેકોર્ડ બનાવશે.


 


17 ડિસેમ્બરે રિલીઝ થયેલી 'પુષ્પા'એ થિયેટરોમાં આવતાની સાથે જ હંગામો મચાવ્યો હતો. જ્યારે રણવીર સિંહ અને દીપિકા પાદુકોણ સ્ટારર ફિલ્મ 83 રિલીઝ થઈ હતી, તે સમયે એવું લાગતું હતું કે, મોટા બજેટની બોલિવૂડ ફિલ્મના આગમનથી આ સાઉથ ફિલ્મની બોક્સ ઓફિસની કમાણીને અસર થઈ શકે છે. જો કે તેનાથી વિપરીત  થયું. રણવીર સિંહની 83ને અપેક્ષા જેટલા દર્શકો મળી શક્યા નથી


 


બોક્સ ઓફિસ બિઝના રિપોર્ટ અનુસાર - ફિલ્મ પુષ્પાએ દુનિયાભરમાં 326 કરોડ રૂપિયાની કમાણી કરી છે. આ ફિલ્મે સમગ્ર ભારતમાં 250.3 કરોડ રૂપિયાનું કલેક્શન કર્યું હતું. હિન્દી બોલનારા ઉપરાંત મહારાષ્ટ્ર અને ગુજરાતમાં પણ આ ફિલ્મને સારો પ્રતિસાદ મળ્યો હતો. આ રાજ્યોમાં 50% ક્ષમતા સાથે ફિલ્મના શો ચલાવવામાં આવ્યા હતા. આવી સ્થિતિમાં ફિલ્મની કમાણી પર તેની સ્પષ્ટ અસર જોવા મળી હતી.


 


અહેવાલો અનુસાર, સુકુમાર દ્રારા  નિર્દેશિત ફિલ્મનો બીજો ભાગ 'પુષ્પા ધ રૂલ' પણ આ વર્ષના અંત સુધીમાં દર્શકો સમક્ષ આવશે. કહેવામાં આવી રહ્યું છે કે અલ્લુ અર્જુન જલ્દી જ ફિલ્મના શૂટિંગમાં પરત ફરશે. ફેબ્રુઆરીમાં ફિલ્મનું પ્રથમ શેડ્યુલ પૂર્ણ કરવાના પ્રયાસો કરવામાં આવશે. આવી સ્થિતિમાં આ ફિલ્મ વર્ષના અંત સુધીમાં રિલીઝ થવાની આશા છે. મેકર્સને આશા છે કે, બની શકે કે, કોરોના વાયરસ અને ઓમિક્રોન વેરિયન્ટની અસર વર્ષના અંતે ઓછી હશે જેથી ફિલ્મને સારો પ્રતિસાદ મળી સકશે.