એક્ટ્રેસ સોનમ કપૂરે ટ્વીટ કરતા કહ્યું, આ મહિને સતત ત્રીજીવાર મેં બ્રિટિશ એરવેઝમાં મુસાફરી કરી હતી. આ બીજીવાર છે, જ્યારે એરલાઈન્સે મારી બેગ ખોઈ નાખી હોય. હવે હું ક્યારેય બ્રિટિશ એરવેઝમાં મુસાફરી નહી કરીશ. સોનમ કપૂરના ટ્વીટનો બ્રિટિશ એરવેઝે જવાબ પણ આપ્યો છે.
બ્રિટિશ એરવેઝએ માફી માગતા કહ્યું, અમને ખેદ છે કે તમને સામાન મળવામાં મોડું થયું. એરપોર્ટ પર માહિતી આપ્યા બાદ ટ્રેકિંગ રેફરન્સ તમને મળ્યો હતો ? સોનમ કપૂરે જવાબ આપતા કહ્યું હતું કે હા પરંતુ આ ઘણું જ અગવડભર્યું હતું. તમારે આ મામલે કડક પગલાં લેવા જોઈએ. આ ઘણી જ બકવાસ સર્વિસ છે અને ભયાનક મિસ-મેનેજમેન્ટ છે. સોનમ કપૂરના આ ટ્વિટ હાલ તો સોશિયલ મીડિયા પર ખૂબ વાયરલ થઈ રહ્યા છે. યૂઝર્સ સોનમને ટ્રોલ પણ કરી રહ્યા છે.